माधुरी दीक्षित (Madhuri Dixit) आणि ‘महाराष्ट्राची हास्यजत्रा’चे कलाकार एकाच मंचावर आले की काय कल्ला होऊ शकतो, याची प्रचिती नुकतीच आली आहे. ‘कोण होणार करोडपती’च्या (Kon Honaar Crorepati) सेटवर चक्क ‘धक धक गर्ल’चा एक भन्नाट सातारी अंदाज पाहायला मिळाला आणि सेटवर एकच हशा पिकला.
सध्या माधुरी दीक्षित ‘कोण होणार करोडपती’ या लोकप्रिय रिअ‍ॅलिटी शोचं सूत्रसंचालन करत आहे. या मंचावर आतापर्यंत अनेक दिग्गजांनी हजेरी लावली आहे, पण जेव्हा ‘महाराष्ट्राची हास्यजत्रा’च्या टीमने या मंचावर एन्ट्री घेतली, तेव्हा अक्षरशः धम्माल उडाली. या विशेष भागाचे प्रोमो सध्या सोशल मीडियावर तुफान व्हायरल होत असून, प्रेक्षकांना खळखळून हसवत आहेत.
Madhuri Dixit Ukhana KBC
या विशेष भागात हॉटसीटवर कॉमेडीचे बादशाह समीर चौघुले आणि प्रियादर्शनी इंदलकर बसले होते. त्याचवेळी प्रेक्षकांमध्ये बसलेल्या रोहित मानेने माधुरीकडे एक खास फर्माईश केली. “मॅडम, सातारी भाषेचा लहेजा पकडून तुम्ही डॉ. नेनेंसाठी एक उखाणा घ्यावा,” अशी गमतीदार इच्छा त्याने व्यक्त केली. त्याच्या या मागणीवर संपूर्ण सेटवर टाळ्यांचा कडकडाट झाला.
चाहत्यांचा आग्रह आणि रोहितची फर्माईश ऐकून माधुरीनेही मागेपुढे न पाहता थेट सातारी स्टाईलमध्ये उखाणा घेतला. “एक होती चिऊ, एक होता काऊ… एक होती चिऊ, एक होता काऊ… डॉक्टरांचं नाव घेते, आता डोकं का खाऊ!” हा भन्नाट उखाणा ऐकताच उपस्थित सर्वांची हसून हसून पुरेवाट झाली.
माधुरीच्या या मिश्किल आणि हटके अंदाजाने सध्या सगळ्यांचीच मनं जिंकली आहेत. हास्यजत्रेच्या कलाकारांसोबत माधुरीने मनसोक्त गप्पा मारल्या असून, या मजेशीर क्षणांचा व्हिडीओ सध्या इंटरनेटवर धुमाकूळ घालत आहे.
📌 महत्वाच्या बातम्या
- अभिनेते नसिरुद्दीन शाह यांची भाजपवर सडकून टीका; सत्यजित रे इन्स्टिट्यूटच्या विद्यार्थ्यांवरून सरकारला घेरले
- अर्शदीप सिंगने मोडला भुवनेश्वर कुमारचा विक्रम, टी-२० विश्वविक्रमाच्याही उंबरठ्यावर
- ५०० कोटींच्या ऑडिओ क्लिपवर खासदार श्रीकांत शिंदेंची पहिली प्रतिक्रिया; म्हणाले, ‘मी त्याला शोधायला…’
Quick Answers
माधुरी दीक्षित सध्या 'कोण होणार करोडपती' या लोकप्रिय रिअ‍ॅलिटी शोचे सूत्रसंचालन करत आहे.
या विशेष भागात हॉटसीटवर समीर चौघुले आणि प्रियदर्शनी इंदलकर बसले होते.
रोहित मानेने माधुरी दीक्षितला सातारी भाषेचा लहेजा पकडून डॉ. नेनेंसाठी उखाणा घेण्याची गमतीदार फर्माईश केली होती.
माधुरी दीक्षितने, "एक होती चिऊ, एक होता काऊ... एक होती चिऊ, एक होता काऊ... डॉक्टरांचं नाव घेते, आता डोकं का खाऊ!" असा उखाणा घेतला.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
