प्रतिनिधी, 25 ऑक्टोबर: बॉलिवूडची ‘धक धक गर्ल’ माधुरी दीक्षित (Madhuri Dixit) आणि डॉ. श्रीराम नेने (Dr Nene) यांची जोडी कायमच चाहत्यांच्या कुतूहलाचा विषय राहिली आहे. लग्नानंतर माधुरीने करिअरच्या सर्वोच्च शिखरावर असताना संसारासाठी थेट अमेरिका गाठली, तर नंतर डॉ. नेनेंनीही आपला यशस्वी वैद्यकीय व्यवसाय सोडून भारतात स्थायिक होण्याचा निर्णय घेतला.
पण, एका सुपरस्टार अभिनेत्रीचा नवरा असण्याचं दडपण डॉ. नेनेंना कधी आलं नाही का? यावर आता खुद्द डॉ. नेनेंनीच अत्यंत स्पष्ट शब्दांत मोठा खुलासा केला आहे. एका मुलाखतीत डॉ. नेनेंनी त्यांच्या संसाराचे आणि वैयक्तिक आयुष्याचे अनेक पदर उलगडले.
विशेष म्हणजे, जेव्हा ते माधुरीला पहिल्यांदा भेटले, तेव्हा त्यांना तिच्या भारतातील अफाट स्टारडमची अजिबात कल्पना नव्हती. त्यामुळेच एका सुपरस्टारऐवजी त्यांनी माधुरीला एक सामान्य व्यक्ती म्हणून समजून घेतलं आणि केवळ तीन महिने डेट केल्यानंतर तिला लग्नाची मागणी घातली.
Madhuri Dixit Husband
एका प्रसिद्ध अभिनेत्रीशी लग्न करणं आव्हानात्मक असल्याचं डॉ. नेने मान्य करतात. पण, अमेरिकेत ‘UCLA’ मध्ये शिक्षण घेताना त्यांनी अनेक हॉलिवूड सेलिब्रिटींवर उपचार केले होते, त्यामुळे या झगमगत्या जगाचं आणि स्टारडमचं त्यांना कधीच दडपण आलं नाही. “अनेकदा केवळ माधुरीचा नवरा असल्यामुळे लोक माझी मुलाखत घ्यायला येतात. पण, यामुळे मला काहीही फरक पडत नाही, कारण जेव्हा लोक मला भेटतात, तेव्हा त्यांना माझी स्वतःची ओळखही समजते,” असं ते अत्यंत आत्मविश्वासाने सांगतात.
त्यांच्या नात्यातील समानतेवर बोलताना डॉ. नेनेंनी अत्यंत महत्त्वाचा मुद्दा मांडला. “मी कोणाच्या तरी जीवावर किंवा प्रसिद्धीवर जगतोय, असं कोणीही म्हणू शकत नाही. कारण, अमेरिकेत माधुरीला कोणीच ओळखत नव्हतं आणि मी तिथे एक अत्यंत यशस्वी हार्ट सर्जन होतो,” असं ते स्पष्ट करतात. दुसरीकडे, माधुरीसारखी प्रतिभावान व्यक्ती जगात खूप दुर्मिळ असल्याचं सांगत त्यांनी आपल्या पत्नीचा अभिमानही व्यक्त केला आहे.
📌 महत्वाच्या बातम्या
- गोविंदाचं विवाहबाह्य संबंध आणि घटस्फोटाच्या चर्चांवर स्पष्ट मत; ‘आम्ही हिंदू, आमच्यात ‘घटस्फोट’ हा शब्दच….’
- अफगाणिस्तान प्रीमियर लीगमध्ये इरफान पठाणची एन्ट्री, ‘या’ संघाचा बनला अ‍ॅम्बेसेडर
- राज्यात उकाड्याचा कहर! पण २७ ते २९ ऑक्टोबरदरम्यान पावसाची मोठी शक्यता; हवामान विभागाचा नवा अंदाज
Quick Answers
डॉ. श्रीराम नेने यांनी माधुरी दीक्षितला एका सामान्य व्यक्ती म्हणून समजून घेतलं आणि केवळ तीन महिने डेट केल्यानंतर तिला लग्नाची मागणी घातली.
अमेरिकेत 'UCLA' मध्ये शिक्षण घेताना डॉ. नेने यांनी अनेक हॉलिवूड सेलिब्रिटींवर उपचार केले होते, त्यामुळे त्यांना या झगमगत्या जगाचे आणि स्टारडमचे कधीच दडपण आले नाही.
अमेरिकेत माधुरीला कोणी ओळखत नव्हते आणि ते स्वतः तिथे अत्यंत यशस्वी हार्ट सर्जन होते, त्यामुळे 'मी कोणाच्या तरी जीवावर किंवा प्रसिद्धीवर जगतोय' असं कोणीही म्हणू शकत नाही, असे डॉ. नेनेंनी स्पष्ट केले.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
