प्रतिनिधी, 25 ऑक्टोबर: बॉलिवूडचा ‘हिरो नंबर वन’ गोविंदा (Govinda) सध्या त्याच्या चित्रपटांऐवजी वैयक्तिक आयुष्यामुळेच जास्त चर्चेत आहे. पत्नी सुनीता आहुजाने (Sunita Ahuja) केलेल्या विवाहबाह्य संबंधांच्या आरोपांनंतर गोविंदाच्या घटस्फोटाच्या चर्चांना उधाण आलं होतं. त्यातच ‘रूपा’ सिनेमातील त्याची सहकलाकार कोमल राणी स्वर्णकार हिच्यासोबत वाढलेली जवळीक पाहता अनेक तर्कवितर्क लावले जात होते.
पण, आता खुद्द गोविंदानेच या सगळ्या प्रकरणावर मौन सोडलं असून, थेट घटस्फोटाच्या मुद्द्यावर अत्यंत स्पष्ट शब्दांत आपली भूमिका मांडली आहे. सुनीताने घटस्फोटाचा निर्णय का घेतला असावा, या प्रश्नावर थेट उत्तर देताना गोविंदा म्हणाला की, “आम्ही हिंदू आहोत आणि आमच्या परंपरेत ‘घटस्फोट’ हा शब्दच अस्तित्वात नाही.” त्यामुळेच, सुनीताने उचललेलं पाऊल हे मुलांच्या भल्यासाठी असल्याचं सांगत, गोविंदाने या वादामागे कुठल्यातरी तिसऱ्याच व्यक्तीचा हात असल्याचा थेट आरोप केला आहे.
Govinda Divorce Rumors
या मुलाखतीत गोविंदाने सुनीताला आपलं ‘पहिलं प्रेम’ आणि ‘लक्ष्मी’ म्हणत तिच्याबद्दल कृतज्ञता व्यक्त केली. तो म्हणाला की, आज तो ज्या शिखरावर आहे, ते केवळ तिच्यामुळेच शक्य झालं. पण दुसरीकडे, सध्या तिच्या डोळ्यांवर एका विशिष्ट व्यक्तीच्या प्रभावामुळे पडदा पडला असल्याचा दावाही त्याने केला.
मात्र, संसारात फूट पाडणाऱ्या त्या तिसऱ्या व्यक्तीचं नाव घेणं त्याने जाणीवपूर्वक टाळलं. “सुनीता काही बंधनांमध्ये आणि कौटुंबिक जबाबदाऱ्यांमध्ये अडकली आहे. ती जे काही करतेय, ते मुलांच्या भल्यासाठीच करतेय,” असं तो म्हणाला. वाढत्या ट्रोलिंगवर बोलताना गोविंदाने स्पष्ट केलं की, सोशल मीडियावरील टीकेचा त्याला कोणताही फरक पडत नाही.
“आजकाल लोक स्वतःच्या पालकांचा आणि पंतप्रधानांचाही आदर करत नाहीत, तर मी त्यांच्याकडे लक्ष का देऊ? चिखलातच कमळ उमलतं, त्यामुळे लोकांनी मला चिखल म्हटलं तरी चालेल,” अशा शब्दांत त्याने ट्रोलर्सना फटकारलं आहे. थोडक्यात सांगायचं तर, कोमल राणीसोबतच्या अफेअरच्या चर्चा आणि घटस्फोटाच्या बातम्या या केवळ अफवा नसून, यामागे कोणीतरी जाणीवपूर्वक बदनामी करत असल्याचा संशय गोविंदाने व्यक्त केला आहे.
📌 महत्वाच्या बातम्या
- राज्यात उकाड्याचा कहर! पण २७ ते २९ ऑक्टोबरदरम्यान पावसाची मोठी शक्यता; हवामान विभागाचा नवा अंदाज
- सत्तेची एवढी मस्ती बरी नाही! प्रदीप पूर्णेकर हत्याप्रकरणी हर्षवर्धन सपकाळांचा एकनाथ शिंदेंवर हल्लाबोल
- मॅट हेन्री आणि लॉकी फर्ग्युसनने गोलंदाजी पूर्ण का केली नाही? कर्णधार मिचेल सँटनरने दिले दुखापतींचे अपडेट्स
Quick Answers
घटस्फोटाच्या प्रश्नावर बोलताना गोविंदा म्हणाला की, "आम्ही हिंदू आहोत आणि आमच्या परंपरेत 'घटस्फोट' हा शब्दच अस्तित्वात नाही." तसेच या वादामागे कुठल्यातरी तिसऱ्याच व्यक्तीचा हात असल्याचा आरोपही त्याने केला.
गोविंदाच्या मते, सुनीता काही बंधनांमध्ये आणि कौटुंबिक जबाबदाऱ्यांमध्ये अडकली असून तिने उचललेलं हे पाऊल मुलांच्या भल्यासाठी आहे.
गोविंदाने सुनीताला आपलं 'पहिलं प्रेम' आणि 'लक्ष्मी' म्हणत कृतज्ञता व्यक्त केली. तसेच आज आपण ज्या शिखरावर आहोत ते केवळ तिच्यामुळेच शक्य झाल्याचे त्याने म्हटले.
सोशल मीडियावरील टीकेचा आपल्याला फरक पडत नाही, असे गोविंदाने स्पष्ट केले. आजकाल लोक स्वतःच्या पालकांचा आणि पंतप्रधानांचाही आदर करत नसल्याने आपण त्यांच्याकडे लक्ष का द्यावे, असे म्हणत त्याने ट्रोलर्सना फटकारले.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
