वैभव सूर्यवंशीला थेट बॉलिवूडची लॉटरी? दिग्दर्शक शेखर कपूरने केली पोस्ट, म्हणाले……

🕒 1 min read

वयाच्या अवघ्या १५ व्या वर्षी आयपीएलमध्ये धुमाकूळ घालणारा क्रिकेटचा वंडर बॉय थेट मोठ्या पडद्यावर झळकणार? हा प्रश्न आता क्रिकेट आणि बॉलिवूड अशा दोन्ही वर्तुळात चर्चेचा विषय बनला आहे.

होय, सध्या भन्नाट फॉर्ममध्ये असलेला आपला वैभव सूर्यवंशी (Vaibhav Suryavanshi) फक्त क्रिकेटच नाही, तर आता चक्क एका सिनेमामुळे लाईमलाईटमध्ये आलाय. आता तुम्ही म्हणाल, या पोराचा आणि सिनेमाचा काय संबंध?

Vaibhav Suryavanshi movie 

तर बॉलिवूडचे दिग्गज दिग्दर्शक शेखर कपूर (Shekhar Kapur) यांनी नुकतीच एक पोस्ट शेअर केली असून, त्यामुळे मोठी खळबळ उडाली आहे. त्यांनी आपला आगामी ब्लॉकबस्टर सिनेमा ‘मासूम: द न्यू जनरेशन’साठी थेट वैभवलाच घेण्याची इच्छा बोलून दाखवलीय.

१९८३ मध्ये आलेल्या ‘मासूम’ सिनेमाने बॉक्स ऑफिसवर अक्षरशः इतिहास रचला होता. नसीरुद्दीन शाह आणि शबाना आझमी यांच्या दमदार अभिनयाने सजलेल्या या सिनेमाचा आता सीक्वल येतोय. ‘मासूम: द न्यू जनरेशन’ असं या नव्या प्रोजेक्टचं नाव असून, त्याला साक्षात ए. आर. रहमान संगीत देणार आहेत. त्यामुळे या सिनेमाची आधीच जोरदार चर्चा सुरू आहे.

याच सिनेमाच्या निमित्ताने शेखर कपूर यांनी ‘एक्स’ अकाऊंटवर वैभवचा फोटो शेअर करत एक मोठा गौप्यस्फोट केला. “जर वैभव इतका प्रसिद्ध आणि भारी क्रिकेटर नसता, तर मी नक्कीच त्याला ‘मासूम: द न्यू जनरेशन’मध्ये कास्ट केलं असतं,” असं भन्नाट कॅप्शन त्यांनी दिलंय. त्यांच्या या एका वाक्याने इंटरनेटवर अक्षरशः आग लावली आहे.

आयपीएल २०२६ मध्ये आपल्या बॅटने भल्याभल्या गोलंदाजांना घाम फोडणाऱ्या या ‘न्यू सेंसेशन’च्या प्रेमात चक्क शेखर कपूर पडल्याने फॅन्सच्या आनंदाला उधाण आलंय.

दुसरीकडे, सूत्रांनी दिलेल्या माहितीनुसार, या नव्या सिनेमात मनोज बाजपेयी, नित्या मेनन आणि स्वतः नसीरुद्दीन शाह पुन्हा दिसणार आहेत. सिनेमाची कथा स्थलांतर आणि नात्यांमधील गुंतागुंतीवर आधारित असेल. आता शेखर कपूर यांच्या या पोस्टनंतर खरोखरच वैभव या सिनेमात कॅमिओ करणार का? याची उत्सुकता शिगेला पोहोचली आहे.

📌 महत्वाच्या बातम्या

• अण्णा हजारे यांचा थेट पंतप्रधान मोदींवर हल्लाबोल, ‘त्या’ एका वक्तव्याने खळबळ!
• मविआची यादी आली, पण एकाच जागेवर शरद पवार गटाचे दोन अर्ज आल्याने सस्पेन्स वाढला!
• अरुण लखानी यांना भाजपची उमेदवारी, सुप्रिया सुळेंच्या व्याह्यांच्या एन्ट्रीने राजकारण तापलं!

📈 लोकप्रिय बातम्या

राज्य निवडणूक आयोगाचा मोठा निर्णय; राज्यातील १५,६३६ ग्रामपंचायतींमध्ये राजकीय भूकंप होणार?

उदय सामंत यांच्या पत्नीची मोठी माघार; निवडणुकीत अचानक ‘हा’ मोठा ट्विस्ट!

अंकिता लोखंडेने शेअर केले मशिदीतले फोटो, गोसेवा केल्यानंतर थेट हिजाब घातल्याने नेटकरी संतापले!