वयाच्या ४३ व्या वर्षीही एखाद्या खेळाडूची एवढी दहशत असू शकते? होय, एमएस धोनीच्या (MS Dhoni) बाबतीत हे शंभर टक्के खरंय. आयपीएल २०२६ चं बिगुल वाजलंय आणि तुमचा लाडका ‘थाला’ पुन्हा एकदा मैदानात उतरण्यासाठी सज्ज झाला आहे.
चेन्नई सुपर किंग्सने (CSK) नुकताच सोशल मीडियावर एक व्हिडिओ शेअर केलाय. यात धोनी स्वतः ग्राइंडरच्या साहाय्याने आपली बॅट घासून तयार करताना दिसतोय. फ्रँचायझीने याला “Master of the Craft” असं कॅप्शन दिलंय. हाच तो व्हिडिओ आहे ज्याने सध्या इंटरनेटवर अक्षरशः धुमाकूळ घातलाय. धोनीची ही तयारी पाहून यंदाच्या IPL 2026 हंगामात भल्याभल्या गोलंदाजांची खैर नाही, हे स्पष्ट होतंय.
MS Dhoni IPL 2026
यंदा २८ मार्चपासून आयपीएलच्या थराराला सुरुवात होणार आहे. पहिला सामना आरसीबी विरुद्ध हैदराबाद असा रंगणार असला तरी सर्वांच्या नजरा चेन्नईच्या पहिल्या सामन्यावर खिळल्या आहेत. जिओहॉटस्टारवर बोलताना भारताचा माजी अष्टपैलू खेळाडू इरफान पठाणने एक मोठं विधान केलंय. “धोनीशिवाय सीएसके आणि आयपीएलची कल्पनाच करणं कठीण आहे,” असं पठाण म्हणाला. आता त्याची भूमिका संजू सॅमसन आणि ऋतुराज गायकवाडला भविष्यासाठी तयार करण्याची असेल, असा विश्वासही पठाणने व्यक्त केलाय.
यंदाच्या हंगामात मोठे बदल पाहायला मिळणार आहेत. संजू सॅमसन आता चेन्नईच्या ताफ्यात आलाय, तर रवींद्र जडेजा राजस्थान रॉयल्सकडून खेळताना दिसणार आहे. धोनीचा हा कदाचित शेवटचा हंगाम असू शकतो अशी जोरदार चर्चा क्रिकेट वर्तुळात रंगली आहे. सीएसकेचे सीईओ काशी विश्वनाथन यांच्या माहितीनुसार, धोनी सर्व सामने खेळणार असला तरी त्याची प्रत्यक्ष भूमिका संघ व्यवस्थापनच ठरवेल.
धोनीने आतापर्यंत २७८ सामन्यांत ५४३९ धावा कुटल्या आहेत. पाच वेळा संघाला चॅम्पियन बनवणाऱ्या या ‘कॅप्टन कूल’ला यंदा सहावे विजेतेपद मिळवून देत ‘परफेक्ट फेअरवेल’ देण्याची सीएसकेची मोठी रणनीती असू शकते. आता प्रत्यक्ष मैदानात काय होतं, हे पाहणं प्रचंड औत्सुक्याचं ठरणार आहे.
📌 महत्वाच्या बातम्या
- ‘जयराम चाटे येतोय, तुला कृष्णा आंधळे दाखवतो’; भररस्त्यात तरुणावर सपासप वार, बीड पुन्हा हादरलं!
- ‘नरेंदर भी गायब, सिलेंडर भी गायब’; Gas Shortage वरून संजय राऊतांचा मोदींवर बोचरा वार!
- इराण-अमेरिका युद्ध शिगेला, आता Kim Jong Un मैदानात? उत्तर कोरियाने एकाच वेळी डागली १० क्षेपणास्त्रे!
