India vs England | क्रिकेटच्या मैदानात कधी काय चमत्कार होईल सांगता येत नाही, पण आता खऱ्या थराराला सुरुवात झाली आहे! टीम इंडियाने २०२६ च्या टी-२० विश्वचषकात दणदणीत विजयासह उपांत्य फेरीत धडक मारली आहे. भारतीय चाहत्यांसाठी ही काही साधीसुधी बातमी नाही, तर एका मोठ्या उत्सवाची नांदी आहे.
आता चर्चा अशी आहे की, या T20 World Cup 2026 Semi Final मध्ये भारताची गाठ थेट बलाढ्य इंग्लंडशी पडणार आहे. आणि सर्वात महत्त्वाचं म्हणजे हा महामुकाबला आपल्या मुंबईत खेळवला जाणार आहे.
India vs England T20 World Cup 2026 Semi Final Mumbai
येत्या ५ मार्चला (गुरुवारी) वानखेडेवर हा हाय-व्होल्टेज सामना रंगेल. घरच्या मैदानावर खेळण्याचा टीम इंडियाला नक्कीच मोठा फायदा मिळेल. असं असलं तरी, इंग्लंडला हलक्यात घेण्याची चूक भारतीय संघ करणार नाही, हे नक्की.
दुसरीकडे, स्पर्धेतील पहिली सेमीफायनलही तितकीच रंजक असणार आहे. ४ मार्चला (बुधवारी) कोलकाता येथे दक्षिण आफ्रिका आणि न्यूझीलंड आमनेसामने येतील. त्यामुळे फायनलमध्ये कोण कोणाशी भिडणार, याकडे सगळ्या जगाचं लक्ष लागून आहे.
सूत्रांनी दिलेल्या माहितीनुसार, मुंबईतील या महासंग्रामासाठी आतापासूनच खळबळ उडाली असून चाहत्यांची धाकधूक वाढली आहे. आता वानखेडेवर टीम इंडिया इंग्लंडचा धुव्वा उडवून थेट फायनलचं तिकीट कन्फर्म करणार का, याचीच उत्सुकता सर्वांना लागली आहे. विश्वचषकाचा हा रणसंग्राम आता अंतिम टप्प्यात पोहोचलाय, त्यामुळे क्रिकेटचा ताप चांगलाच वाढलाय!
📌 महत्वाच्या बातम्या
- Team India चा ऐतिहासिक विक्रम, वेस्ट इंडिजला चारली धूळ; घडवला नवा इतिहास!
- Sanju Samson भावूक, सामन्यानंतर केला मोठा गौप्यस्फोट; म्हणाला “मी स्वतःवरच…”
- Sanju Samson चा धमाका अन् भारताची उपांत्य फेरीत धडक! सामन्यानंतर धोनी आणि कोहलीबाबत केला मोठा गौप्यस्फोट
- IND vs WI – संजू सॅमसनचा झंझावात, टीम इंडियाचा विश्वचषकात ऐतिहासिक विजय; पण ‘त्या’ ३ धावांमुळे काय घडलं?
