Ankita Walawalkar- लग्न झालं की चाहत्यांना आणि नातेवाईकांना सर्वात जास्त वेध कशाचे लागलेले असतात? बरोबर ओळखलंत… ‘गुड न्यूज’चे! सध्या सोशल मीडियावरच्या लाडक्या कपल्सपैकी एक असलेल्या अंकिता वालावलकर आणि कुणाल भगत यांच्या बाबतीतही आता हेच घडताना दिसतंय. अंकिताच्या पहिल्या मकर संक्रांतीचा व्हिडिओ सध्या तुफान व्हायरल होतोय, पण चर्चा मात्र तिच्या संक्रांतीपेक्षा अंकिता वालावलकर (Ankita Walawalkar) आई होणार का? याचीच जास्त रंगली आहे.
Ankita Walawalkar Pregnant?
नुकतंच अंकिताने तिची लग्नानंतरची पहिली संक्रांत कोकणात साजरी केली. सासूबाईंच्या हट्टाखातर तिने तब्बल ३५० बायकांना बोलावून जंगी हळदी-कुंकू समारंभ उरकला. काळ्या रंगाचा लेहंगा, हलव्याचे दागिने आणि तोच रांगडा कोकणी अंदाज… सगळं काही जुळून आलं होतं. पण या व्हिडिओमधील कुणाल आणि अंकिताच्या संवादाने नेटकऱ्यांचे कान टवकारले आहेत.
या व्हिडिओमध्ये अंकिता गमतीने कुणालला म्हणते, “मी कुणालला सांगितलंय की हा मी ऑर्गनाईज केलेला शेवटचा इव्हेंट असू दे.” यावर कुणालने दिलेलं उत्तर सध्या चर्चेचा विषय ठरलंय. कुणाल म्हणतो, “चोर ओटीचा इव्हेंट मी करणार…” यावर अंकितानेही लगेच त्याला पुष्टी देत, “मला तेच पाहिजे आहे, नाहीतर डोहाळ जेवणाला मी अशी असेन की तिथे फुलं लावा, इथे डेकोरेशन करा…” अशी फटकेबाजी केली.
आता हा संवाद केवळ मस्करीत होता की खरंच ‘दोनाचे तीन’ होणार आहेत, याची अधिकृत माहिती अजून समोर आलेली नाही. पण कुणालच्या तोंडून आलेला ‘चोर ओटी’ आणि अंकिताचा ‘डोहाळ जेवण’ हा उल्लेख चाहत्यांना हिंट देण्यासाठी पुरेसा ठरला.
सोशल मीडियावर कमेंट्सचा पाऊस पडलाय. एका युजरने थेट लिहिलंय, “एकंदरीत बोलण्यावरून असं दिसतंय की दोनाचे तीन होणार लवकरच.” तर काहींनी अंकिताला आतापासूनच शुभेच्छा द्यायला सुरुवात केली आहे. अंकिताचा हा व्हिडिओ सध्या सोशल मीडियावर (Social Media) वर धुमाकूळ घालतोय. आता ही गुड न्यूज नक्की कधी अधिकृतपणे समजणार, याकडेच सगळ्या कोकणवासीयांचं लक्ष लागलंय.
📌 महत्वाच्या बातम्या
- मुंबईच्या महापौरपदासाठी ‘हे’ नाव फायनल? फडणवीसांचा ‘मराठी’ मास्टरस्ट्रोक आणि ठाकरे गटाला धक्का!
- 89 भारी की 29? मुंबईच्या सत्तेची ‘मास्टरकी’ नेमकं कोणाकडे? वाचा सत्तेचे ‘हे’ ३ फॉर्म्युले!
- शिंदेंचे २५ नगरसेवक फुटणार? हॉटेलमधील ‘त्या’ भेटीच्या चर्चेने भाजपचं टेन्शन वाढलं!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
