🕒 1 min read
मुंबई– निवडणुकीच्या आखाड्यात आरोप-प्रत्यारोप ठीक आहेत, पण थेट बड्या नेत्यांच्या समोरच कार्यकर्ते भिडले तर? मुंबईत काल रात्री असंच काहीसं घडलं. मातोश्रीवरून उद्धव ठाकरे (Uddhav Thackeray) बोरिवलीत पोहोचले, पण ते कार्यालयातून बाहेर पडत असतानाच जोरदार राडा झाला. ठाकरे गट, मनसे आणि समोर भाजप-शिंदे गटाचे कार्यकर्ते आमने-सामने आल्याने काही काळ तणावाचे वातावरण निर्माण झाले होते.
नेमकं घडलं असं की, उद्धव ठाकरे मागाठणे येथील प्रभाग क्रमांक ११ च्या उमेदवार कविता माने (Kavita Mane) यांच्या प्रचारार्थ त्यांच्या मुख्य कार्यालयात गेले होते. कविता माने या मनसे-ठाकरे गट आणि शरद पवार गटाच्या ‘शिवशक्ती’च्या संयुक्त उमेदवार आहेत. उद्धव ठाकरेंनी मतदारांशी संवाद साधला आणि ‘इंजिन’ चिन्हासमोरील बटन दाबून विजय निश्चित करण्याचं आवाहन केलं. मात्र, ठाकरे तिथून निघत असतानाच त्याच वेळी शिंदे गट आणि भाजपच्या उमेदवार आदिती खुरसुंगे यांची प्रचार रॅली तिथे धडकली.
उद्धव ठाकरे गाडीत बसून जात असतानाच भाजप आणि शिंदे गटाच्या कार्यकर्त्यांनी त्यांच्या समोर जोरदार घोषणाबाजी सुरू केली. आपल्या नेत्यासमोर विरोधकांचा हा आक्रमकपणा पाहून मनसे आणि ठाकरे गटाचे कार्यकर्तेही पेटून उठले. दोन्ही बाजूकडून आरडाओरडा आणि घोषणाबाजी झाल्याने वातावरण चांगलंच तापलं. अखेर पोलिसांनी मध्यस्ती करत वेळीच हस्तक्षेप केल्याने पुढचा अनर्थ टळला.
आज ऐतिहासिक सभा!
एकीकडे बोरिवलीत राडा झाला असतानाच, आज मुंबईत एका ऐतिहासिक घटनेची नोंद होणार आहे. उद्धव ठाकरे आणि राज ठाकरे (Raj Thackeray) यांची पहिली संयुक्त सभा आज विक्रोळीत पार पडणार आहे. आदित्य आणि अमित ठाकरेही लवकरच एकत्र सभा घेणार असल्याने मुंबईच्या राजकारणातली उष्णता आता शिगेला पोहोचली आहे.
महत्वाच्या बातम्या
- “पैसे नसतील तर घरात येऊ नको”; सासऱ्याने बेल्टने फोडलं, नवऱ्याने तुडवलं! पुण्यातला ‘हा’ प्रकार ऐकून संतापाल!
- “आम्ही हिंदू आहोत, हिंदी नाही!”; राज ठाकरेंचा फडणवीसांवर घणाघात, म्हणाले “हिंमत असेल तर कामं अडवून दाखवाच…”
- “उद्धव ठाकरेंनी ‘चाटम’ म्हटलं, लेकाने थेट ‘चिल्लर’ म्हटलं!”; आदित्य ठाकरेंचा अमित साटमांवर सणसणीत वार!
बातम्यांसाठी YouTube चॅनेल Subscribe करा
Subscribe Now
