नागपूर – राज्यात विधानसभेपूर्वी राजकीय हालचालींना वेग आला असून, ठाकरे गटासाठी विदर्भात संकटाचे सावट गडद होत आहे. नागपूर ग्रामीणचे माजी जिल्हा प्रमुख आणि शिवसेनेचे जुने निष्ठावान नेते बंडू तागडे यांनी एकनाथ शिंदे यांच्या नेतृत्वाखालील शिवसेनेत प्रवेश केला आहे. त्यामुळे ठाकरे गटाला आणखी एक मोठा धक्का बसला आहे.
मुंबईत उपमुख्यमंत्री एकनाथ शिंदे यांच्या उपस्थितीत झालेल्या पक्षप्रवेश कार्यक्रमात तागडे यांनी अधिकृतपणे शिंदे गटात प्रवेश केला. यावेळी बोलताना शिंदे म्हणाले, “जुने शिवसैनिक हेच पक्षाची खरी ताकद असून, त्यांना सन्मानाचे स्थान देणे हीच खरी शिवसेना आहे.”
Bandu Tagade Joins Eknath Shinde’s Shiv Sena
हा घडामोड केवळ नागपूरपुरती मर्यादित राहिलेली नाही. पूर्व विदर्भात शिंदे गटाचा प्रभाव वाढत असून, अलीकडेच किरण पांडव यांच्या पुढाकाराने अनेक कार्यकर्ते पक्षात दाखल झाले आहेत. चंद्रपूर जिल्ह्याची जबाबदारी मंगेश काशीकर यांच्याकडे सोपवण्यात आली आहे, तर भंडाऱ्यात समन्वयकपदाची जबाबदारी आमदार नरेंद्र भोंडेकर यांच्याकडे देण्यात आली आहे.
बंडू तागडे कोण?
बंडू तागडे गेली 40 वर्षे नागपूर शहरातील शिवसेनेत सक्रिय आहेत. विनायक राऊत आणि माजी खासदार प्रकाश जाधव यांचे विदर्भातील निकटवर्तीय म्हणून त्यांची ओळख आहे. बंडू तागडे यांचा कामगार चळवळीतही सक्रीय सहभाग राहिलेला आहे. बंडू तागडे यांच्यामुळे एक मोठा कार्यकर्तावर्ग शिंदे गटासोबत जोडला गेला आहे. याआधी माजी आमदार दुष्यंत चतुर्वेदी आणि नेते राजू हरणे यांनी ठाकरे गटाचा निरोप घेत शिंदे गटाची साथ धरली होती.
📌 महत्वाच्या बातम्या
- खासदार करतो तर करतोच, काटा काढतो तर काढतोच!; अजित पवारांची तुफान फटकेबाजी
- मिशिगनमधील लष्करी तळावर ISIS चा मोठा हल्ला टळला; FBI ची वेळेवर कारवाई
- शरद पवार-अजित पवार एकत्र येणार? सुनील तटकरे म्हणाले – “ना प्रस्ताव, ना चर्चा!”
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
