परभणी – जिल्ह्यात शिवसेना (एकनाथ शिंदे गट) मध्ये जिल्हाध्यक्ष पदाच्या नियुक्तीवरून जोरदार वाद निर्माण झाला आहे. शिवसेनेने आनंद भरोसे यांची जिल्हाध्यक्षपदी नियुक्ती केली आहे. मात्र, याला मावळते जिल्हाध्यक्ष व्यंकट शिंदे आणि त्यांच्या समर्थकांचा तीव्र विरोध आहे.
परभणी शिवसेनेत जिल्हाध्यक्ष निवडीवरून गोंधळ; व्यंकट शिंदेंचा भाजपवर थेट आरोप
व्यंकट शिंदे यांनी आरोप केला की, “ही निवड ही भाजपशी जवळीक साधण्यासाठीच झाली असून, ही संपूर्ण परभणी शिवसेनेला भाजपच्या दावणीला बांधण्याचा प्रयत्न आहे.” त्यांनी स्पष्टपणे सांगितले की, “आनंद भरोसे हे भाजपमधून आयात झालेले आहेत, आणि नुकतेच त्यांच्या भावाला भाजपने शहराध्यक्षपद दिले आहे. तरीही पक्षाने त्यांना जिल्हाध्यक्षपद का दिलं याचे उत्तर हवे.”
Shiv Sena Workers Oppose Anand Bharose’s Appointment
व्यंकट शिंदे यांच्या म्हणण्यानुसार, स्थानिक पातळीवरील शिवसैनिक आणि पदाधिकारी यांना ही निवड मान्य नाही. त्यांनी मुंबईला जाऊन पक्षश्रेष्ठींसमोर आपलं म्हणणं मांडण्याचा निर्धार व्यक्त केला असून, “पक्षाने निर्णय मागे घेतला नाही तर सर्व पदाधिकारी राजीनामे देतील,” अशी माहिती त्यांनी पत्रकार परिषदेत दिली.
भाजपने नुकतेच राज्यातील ५८ जिल्हाध्यक्ष जाहीर केले असून, महायुतीतील पक्षांतर्गत हालचालींना वेग आला आहे. त्यात परभणीत निर्माण झालेला हा वाद महायुतीच्या स्थानिक राजकारणात नवा पेच निर्माण करू शकतो.
📌 महत्वाच्या बातम्या
- राज-उद्धव युतीत संजय राऊत अडथळा; प्रकाश महाजन यांचा गौप्यस्फोट
- राज ठाकरेंच्या युद्धविरोधी भूमिकेवर कार्यकर्ते बुचकळ्यात; मनसे समर्थकांना मानसिक दुःख
- डोनाल्ड ट्रम्पचा भारताला झटका, भारतात iPhone फॅक्टरी नको, अमेरिकेतच उत्पादन वाढवण्याचे आदेश
