🕒 1 min read
Devendra Fadnavis | टीम महाराष्ट्र देशा: आज अंतरवाली सराटी या गावात मनोज जरांगे (Manoj Jarange) यांची मराठा आरक्षणाच्या मुद्द्यावरून जाहीर सभा पार पडली.
येत्या दहा दिवसात मराठा समाजाला आरक्षण दिलं नाही तर मोठं आंदोलन करू, असं मनोज जरांगे यांनी म्हटलं आहे. जरांगे यांच्या या भव्य सभेला लाखो मराठा बांधव उपस्थित होते.
या सभेनंतर भारतीय जनता पक्षानं उपमुख्यमंत्री देवेंद्र फडणवीस यांचा एक जुना व्हिडिओ सोशल मीडियावर शेअर केला आहे. या व्हिडिओमध्ये देवेंद्र फडणवीस मराठा आरक्षणाच्या मुद्द्यावर बोलताना दिसत आहे.
The demand for reservation made by the Maratha community is right – Devendra Fadnavis
भाजपने त्यांच्या अधिकृत ट्विटर अकाउंटवर शेअर केलेल्या व्हिडिओमध्ये देवेंद्र फडणवीस (Devendra Fadnavis) म्हणतात, “मराठा समाजाने केलेली आरक्षणाची मागणी योग्य आहे. आम्ही मराठा समाजाला आरक्षण दिलं होतं.
मात्र, ते हायकोर्टाने अवैध ठरवलं होतं. सुप्रीम कोर्टामध्ये त्यावेळेचं सरकार हे आरक्षण टिकवू शकलं नाही. मराठा समाजाला आम्ही आरक्षण देऊ, असा मला विश्वास आहे.
कोणत्याही समाजाचं आरक्षण कमी न करता ज्याप्रमाणे आम्ही मराठा समाजाला आरक्षण दिलं होतं, त्याचप्रमाणे आता देखील मराठा आरक्षणासाठी आमचं सरकार कटीबद्ध आहे.”
दरम्यान, आज झालेल्या सभेमध्ये मनोज जरांगे यांनी मराठा आरक्षणाच्या मुद्द्यावरून राज्य सरकारला इशारा दिला आहे. “एकतर माझी अंत्ययात्रा निघेल किंवा मराठा समाजाच्या आरक्षणाची विजय यात्रा निघेल.
येत्या दहा दिवसात सरकारने मराठ्यांना आरक्षण दिलं नाही तर आम्ही मोठं आंदोलन करू. या मुद्द्यावर तोडगा काढण्यासाठी आम्ही सरकारला 40 दिवसाची मुदत दिली होती. त्यातले 30 दिवस संपले आहेत.
आज मी सरकारला आरक्षणासाठी शेवटची विनंती करत आहे. मी दिलेला शब्द पाळला, त्याप्रमाणे सरकारने देखील दिलेला शब्द पाळायला हवा”, असं मनोज जरांगे यांनी म्हटलं आहे.
महत्वाच्या बातम्या
- Maratha Reservation | मराठ्यांच्या आरक्षणावरून मनोज जरांगेंची जाहीर सभा; जरांगेंची मुलगी म्हणाली…
- Maratha Reservation | मनोज जरांगे आक्रमक; सरकार पुढे ठेवल्या ‘या’ मागण्या
- IND vs PAK | पाकिस्तान विरुद्धच्या सामन्यातून गिल बाहेर? पाहा टीम इंडियाची प्लेइंग-11
- Prakash Ambedkar | महाविकास आघाडीतून शरद पवारांना बाहेर काढण्याचा काँग्रेसचा प्लॅन – प्रकाश आंबेडकर
- Sanjay Raut | महाराष्ट्राची प्रतिष्ठा धुळीस मिळवण्याचं काम राज्याचे मुख्यमंत्री करताय – संजय राऊत
बातम्यांसाठी YouTube चॅनेल Subscribe करा
Subscribe Now
