आयपीएल २०२७: यशस्वी जयस्वाल राजस्थानमध्ये नाराज? लखनौ किंवा केकेआरची कॅप्टन्सी मिळण्याची शक्यता

आयपीएल २०२७ च्या लिलावापूर्वी यशस्वी जयस्वाल राजस्थानमध्ये नाराज असल्याची चर्चा आहे. इरफान पठाणच्या दाव्यानुसार त्याला केकेआर किंवा लखनौचे नेतृत्व करण्याची इच्छा आहे.

Published On: 

Yashasvi Jaiswal KKR IPL 2027 trade rumor

प्रतिनिधी, 17 नोव्हेंबर: आयपीएल २०२७ च्या लिलावाची जोरदार तयारी सुरू असून, राजस्थान रॉयल्सचा सलामीवीर यशस्वी जयस्वाल संघावर नाराज असल्याची चर्चा सुरू झाली आहे. भारताचे माजी अष्टपैलू खेळाडू इरफान पठाण यांनी क्रिकइन्फोशी बोलताना हा दावा केला आहे. जयस्वालला कर्णधारपद हवे असल्याने तो राजस्थानची साथ सोडण्याची शक्यता वर्तवली जात आहे.

येत्या १६ डिसेंबरला गोव्यात आयपीएल २०२७ चा लिलाव पार पडणार आहे. त्यापूर्वी १७ नोव्हेंबरपर्यंत सर्व फ्रँचायझींना रिटेन आणि रिलीज केलेल्या खेळाडूंची यादी जाहीर करावी लागणार आहे. या पार्श्वभूमीवर जयस्वालच्या ट्रेडची चर्चा पुन्हा रंगली आहे. याआधी मुंबई इंडियन्स आणि राजस्थानमध्ये हार्दिक पांड्याच्या ट्रेडबाबत बोलणी झाली होती, तेव्हा हार्दिकच्या बदल्यात जयस्वालला मुंबईला देण्याची राजस्थानची तयारी होती.

मात्र, या चर्चेत अचानक पंजाबची एन्ट्री झाली. परिणामी मुंबईने हार्दिक पांड्याला पंजाबला दिले आणि त्याबदल्यात अर्शदीप सिंगला आपल्या संघात घेतले. आता या सर्व घडामोडींनंतर पुन्हा एकदा यशस्वी जयस्वालबाबत ट्रेडच्या चर्चांना उधाण आले आहे.

इरफान पठाण यांनी जयस्वालच्या नाराजीवर भाष्य केले आहे. “मी जे पाहिले आणि ऐकले त्यावरून तो राजस्थानमध्ये खूश नसल्याचे वाटते. त्याला बहुधा संघाचे नेतृत्व करायचे आहे,” असे पठाण म्हणाले. गेल्या वर्षी वैभव सूर्यवंशी संघात आला आणि रियान पराग नेतृत्व करत होता, याचा संदर्भ देत पठाण यांनी अंदाज वर्तवला की, जयस्वालला लखनौ किंवा केकेआर संघाचे नेतृत्व करायचे आहे.

अजिंक्य रहाणेच्या निवृत्तीनंतर केकेआर सध्या नव्या कर्णधाराच्या शोधात आहे. त्यामुळे जयस्वाल राजस्थानची साथ सोडून केकेआरकडे गेल्यास संघाचाही मोठा फायदा होईल, असे पठाण यांनी स्पष्ट केले.

जयस्वालच्या रूपाने केकेआरला केवळ एक कर्णधारच नाही, तर न्यूझीलंडचा आक्रमक फलंदाज फिन ॲलनसोबत डावाची सुरुवात करणारा एक धमाकेदार सलामीवीरही मिळेल. मात्र, हा ट्रेड खरोखरच होणार की नाही, याबाबत अद्याप सस्पेन्स कायम आहे.

यापूर्वी भारताचे माजी क्रिकेटपटू अंबाती रायुडू यांनीही जयस्वालला राजस्थान सोडण्याचा सल्ला दिला होता. जयस्वाल राजस्थानमध्ये राहिल्यास तो कायम वैभवच्या सावलीत राहील, असे रायुडू म्हणाले होते. गेल्या हंगामात जयस्वालने उत्कृष्ट कामगिरी करूनही तो वैभवच्या कामगिरीसमोर झाकोळला गेला, असे मत रायुडू यांनी व्यक्त केले होते.

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही