मुंबई – विधानसभा अध्यक्षांचे पद हे न्यायदेवतेसारखे असते, तिथे बसलेली व्यक्ती निःपक्ष असावी लागते. पण महाराष्ट्राच्या विधानसभा अध्यक्षांनी या पदाची गरिमा घालवून राज्याचे ‘यूपी-बिहार’ करण्याचा घाट घातला आहे का? असा संतप्त सवाल माजी मुख्यमंत्री उद्धव ठाकरे (Uddhav Thackeray) यांनी उपस्थित केला आहे. विधानसभा अध्यक्ष राहुल नार्वेकर (Rahul Narwekar) यांच्यावर सडकून टीका करताना ठाकरेंनी थेट त्यांच्या निलंबनाची मागणी निवडणूक आयोगाकडे केली आहे.
“स्वतःला सिनेमातला हिरो समजता?”
राहुल नार्वेकर यांच्या कार्यपद्धतीवर बोट ठेवताना उद्धव ठाकरे म्हणाले, “नार्वेकर स्वतःला ‘नायक’ चित्रपटातील अनिल कपूर समजतात का? त्यांना वाटतं ते काहीही करू शकतात.” अध्यक्षांना कोणाची सुरक्षा काढण्याचा किंवा देण्याचा अधिकार फक्त सभागृहापुरता मर्यादित असतो. मात्र, नार्वेकर बाहेरही दादागिरी करत असल्याचा आणि पदाचा गैरवापर करत असल्याचा गंभीर आरोप ठाकरेंनी केला. निवडणूक आयोगाने याची दखल घेऊन नार्वेकरांना तात्काळ निलंबित करावे आणि त्यांच्यावर गुन्हा दाखल करावा, अशी आक्रमक मागणीही त्यांनी केली.
📌 महत्वाच्या बातम्या
- “त्यांना आता ‘नरेंद्र मियाँ’ म्हणायचं का?”; प्रताप सरनाईकांचा भाजप नेत्यावर घणाघात, स्वतःला म्हणाले ‘बजरंगी भाईजान’!
- ६,६,६,६,६,६…; चौकारांशी ‘ब्रेकअप’, फक्त षटकारांशी व्यवहार! वैभव सूर्यवंशीच्या वादळाने चेंडूच हरवला
- “हॅलो आका, व्यवस्था करा…”; पुण्यातल्या ‘त्या’ गुंडावरून काँग्रेसचे ‘मीम वॉर’! भाजपच्या बड्या नेत्याला केले टार्गेट
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
