प्रतिनिधी, 10 ऑक्टोबर: सीजेपीच्या समर्थनार्थ आयोजित आंदोलनापूर्वी पोलिसांनी तुषार गांधी (Tushar Gandhi) यांना ताब्यात घेतले आहे. या कारवाईचे तीव्र पडसाद उमटले असून, आदित्य ठाकरे आणि संजय राऊत यांनी तात्काळ डीएन नगर पोलीस ठाण्यात धाव घेतली.
तुषार गांधी यांच्या अटकेचा निषेध करण्यासाठी ठाकरे सेना आणि काँग्रेसच्या कार्यकर्त्यांनी पोलीस ठाण्याबाहेर जोरदार घोषणाबाजी केली. आदित्य ठाकरे यांच्यासोबत यावेळी अनिल परब हे देखील उपस्थित होते.
पोलिसांनी केलेल्या या कारवाईवर आदित्य ठाकरे यांनी तीव्र संताप व्यक्त केला. “ही पोलीस स्टेशन आहे का?” असा सवाल त्यांनी उपस्थित केला. तुषार गांधींना पोलीस ठाण्यात आणल्यानंतर आपण तेथे पोहोचत असतानाच पोलिसांनी त्यांना तेथूनही नेल्याचे आदित्य ठाकरे यांनी नमूद केले.
परिस्थिती हाताबाहेर जाण्यापूर्वी गांधी यांची सुटका करावी, अशी मागणी करत आदित्य ठाकरे यांनी इशारा दिला की, “रस्त्यावर हे सगळं चिघळण्याच्या आधी पोलिसांनी तुषार गांधींना सोडलं पाहिजे. नाहीतर संपूर्ण महाराष्ट्र शिवसैनिक रस्त्यावर उतरेल.” दरम्यान, सध्या डीएन नगर पोलीस ठाण्याच्या परिसरात कलम १४४ नुसार जमावबंदीचे आदेश लागू करण्यात आले असून शांतता राखण्याचे आवाहन केले जात आहे.
📌 महत्वाच्या बातम्या
- CJP चा दिल्लीत आणखी मोठ्या आंदोलनाचा इशारा; ज्ञानेश कुमार यांच्या राजीनाम्यासाठी ४ दिवसांचा प्लान
- भारतीय वंशाच्या नवी पिल्लई यांना शांततेचा नोबेल जाहीर; संतापलेल्या डोनाल्ड ट्रम्प यांची थेट ICC वर कारवाई
- सरकार सध्या गुंडगिरीच्या भूमिकेत; दिल्ली-मुंबईत आंदोलकांची धरपकड, अभिजीत दिपकेंना अटक, जरांगे पाटील संतापले
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
