पुणे, 11 ऑक्टोबर: ज्येष्ठ अभिनेते नाना पाटेकर यांच्या निधनानंतर मनोरंजनसृष्टीला मोठा धक्का बसला आहे. पुण्यातल्या डोणजे गावात त्यांच्या पार्थिवावर शोकाकुल वातावरणात अंत्यसंस्कार करण्यात आले. या अंत्यसंस्काराला अनेक नेतेमंडळी, नातेवाईक आणि चाहत्यांसह महाराष्ट्राचे अन्न आणि औषध प्रशासन आयुक्त, आयएएस अधिकारी तुकाराम मुंढे उपस्थित होते. यावेळी भावूक झालेल्या मुंढे यांनी नानांसोबतची एक अपूर्ण राहिलेली इच्छा उघड केली.
नाना पाटेकर यांच्या निधनाचे वृत्त समजताच तुकाराम मुंढे यांनी सोशल मीडियावर एक पोस्ट लिहिली होती. त्यानंतर ते रात्री पुण्यात अंत्यदर्शनासाठी पोहोचले. मुंढे यांनी सांगितले की, ‘नाना पाटेकर हे माझे अत्यंत जवळचे मित्र होते आणि आमचा सतत संवाद व्हायचा. त्यांच्या निधनाच्या अवघ्या आठ दिवसांपूर्वीच आमचे बोलणे झाले होते. त्यावेळी त्यांनी माझ्या कुटुंबाची आणि मुलांची विचारपूस केली होती.’
फोन ठेवताना नानांनी ‘लव्ह यू, बाळा’ असे म्हटले होते. ही भावना आयुष्यभर आपल्यासोबत राहील, असे मुंढे म्हणाले. सर्वांबद्दल मनात प्रेम असणारे हेच खरे ‘नाना’ होते असे सांगत मुंढे यांनी एका अपूर्ण योजनेची खंत व्यक्त केली. एका सार्वजनिक कार्यक्रमात ते दोघे एकाच मंचावर येणार होते आणि त्यामध्ये नाना पाटेकर हे मुंढे यांची मुलाखत घेणार होते. या कार्यक्रमाची तारीख निश्चित होण्यापूर्वीच त्यांचे निधन झाल्याने ही इच्छा अपूर्णच राहिल्याचे त्यांनी सांगितले.
दरम्यान, ८ ऑक्टोबर रोजी पहाटे ५ वाजून २० मिनिटांनी गोव्यातील दोनापावला येथील निवासस्थानी नाना पाटेकर यांना हृदयविकाराचा झटका आला होता. त्यानंतर त्यांना मणिपाल रुग्णालयात दाखल करण्यात आले, मात्र उपचारादरम्यान वयाच्या ७५ व्या वर्षी त्यांनी अखेरचा श्वास घेतला. त्यांचे पार्थिव एअर अ‍ॅम्ब्युलन्सद्वारे गोव्याहून पुणे विमानतळावर आणि तेथून डोणजे गावात आणण्यात आले होते.
📌 महत्वाच्या बातम्या
- नाना पाटेकरांच्या ‘नाम फाऊंडेशन’मुळे धोंदलगाव टँकरमुक्त; गावकऱ्यांनी दिला आठवणींना उजाळा
- बीडमध्ये पुन्हा रक्तरंजित राडा; दोन गटात तुफान हाणामारी, लोखंडी रॉडने फोडली डोकी
- दीपके दिल्लीत, राहुल गांधी चेन्नईत; काँग्रेसने CJP च्या आंदोलनाकडे पाठ फिरवण्यामागे आहेत ही ३ कारणे
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
