🕒 1 min read
“बीड जिल्ह्यातील निलंबित पोलीस अधिकारी रणजीत कासले (Ranjeet Kasle) यांचे आरोप निराधार असल्याचे निवडणूक आयोगाने खुलासा केला आहे. विधानसभा निवडणूक २०२४ दरम्यान कासले यांनी केलेले गंभीर आरोप पूर्णतः निराधार असून, निवडणूक आयोगाने अधिकृत प्रेस नोट जाहीर करत त्यामध्ये याचे स्पष्ट खंडन केले आहे.
Ranjit Kasle’s allegations baseless – Election Commission
कासले यांनी असा आरोप केला होता की, राष्ट्रवादी काँग्रेसचे उमेदवार धनंजय मुंडे यांच्याकडून त्यांना निवडणूक काळात स्ट्रॉंग रूमपासून दूर राहण्यासाठी १० लाख रुपये दिले गेले होते. मात्र, निवडणूक आयोगाने याबाबत तपशीलवार चौकशी केली असून, कासले यांची निवडणूक काळात ना स्ट्रॉंग रूममध्ये, ना निवडणूक ड्युटीवर कधीही नियुक्ती झालेली नव्हती, हे अधोरेखित केले आहे.
पारदर्शक आणि सुरक्षित निवडणूक प्रक्रिया
बीडचे जिल्हाधिकारी आणि पोलीस अधीक्षक यांच्या संयुक्त अहवालानुसार, संपूर्ण निवडणूक प्रक्रिया अत्यंत पारदर्शक आणि सुरक्षित वातावरणात पार पडली. स्ट्रॉंग रूमची सुरक्षा तीन स्तरांतील व्यवस्था – केंद्रीय सुरक्षा दल, राज्य राखीव पोलीस दल आणि जिल्हा पोलीस यांच्यामार्फत सुनिश्चित करण्यात आली होती. २४x७ सीसीटीव्ही निगराणी आणि राजकीय पक्षांचे प्रतिनिधी तसेच निवडणूक निरीक्षक यांची सातत्याने उपस्थिती होती.
निवडणूक प्रक्रियेबाबतचे आरोप असत्य
निवडणूक आयोगाने स्पष्टपणे नमूद केले आहे की, कासले यांचे आरोप हे निराधार, दिशाभूल करणारे आणि निवडणूक प्रक्रियेबाबत जनतेमध्ये शंका निर्माण करण्याचा प्रयत्न करणारे आहेत.
या प्रकरणानंतर बीड प्रशासनाने आणि निवडणूक आयोगाने नागरिकांना आवाहन केले आहे की, अशा अफवांवर विश्वास न ठेवता अधिकृत माहितीवरच भर द्यावा. रणजीत कासले यांची निवडणूक ड्युटीवर नियुक्तीच नव्हती, आरोप अप्रामाणिक आणि जनतेत संभ्रम निर्माण करणारे असल्याचे आयोगाने सांगितले.
महत्वाच्या बातम्या
- IPL 2025 : रोहित शर्माचा फॉर्म आणि मुंबई इंडियन्ससाठी नवीन चॅलेंज!
- MI vs SRH | मुंबई इंडियन्सने सनरायझर्स हैदराबादवर चार गडी राखून विजय मिळवला
- मंगेशकर रुग्णालय प्रकरणात कारवाई लवकरच; आरोग्यमंत्री आबिटकर यांची माहिती
बातम्यांसाठी YouTube चॅनेल Subscribe करा
Subscribe Now
