🕒 1 min read
छत्रपती संभाजीनगर | राज्याचे मंत्री आणि छत्रपती संभाजीनगरचे पालकमंत्री संजय शिरसाट यांचे पुत्र सिद्धांत शिरसाट ( Siddhant Shirsat ) याच्यावर पत्नीने फसवणूक, मानसिक आणि शारीरिक छळाचे गंभीर आरोप केले आहेत. जान्हवी सिद्धांत शिरसाट असे पीडित महिलेचे नाव असून, तिने सिद्धांतशी विवाह केला असल्याचा दावा करत, तिने फोटो पुरावे सादर केले आहेत.
जान्हवीने वकिल चंद्रकांत ठोंबरे यांच्या माध्यमातून कायदेशीर नोटीस पाठवत सिद्धांतवर कठोर कारवाईची मागणी केली आहे. त्या नोटीसमध्ये मानसिक छळ, धमकी, फसवणूक, आणि हुंडा प्रकरणात गुन्हा दाखल करावा अशी मागणी करण्यात आली आहे.
Sanjay Shirsat’s Son Siddhant Shirsat Accused by Wife
महिलेच्या दाव्यानुसार, मुंबईतील चेंबूर येथे सिद्धांत आणि जान्हवी यांचे दोन वर्षांपूर्वी कुटुंबीयांच्या उपस्थितीत लग्न झाले. काही काळ सर्व काही सुरळीत होते, मात्र नंतर सिद्धांतने तिसऱ्या मुलीशी प्रेमसंबंध सुरु केले. त्यानंतर जान्हवीकडे दुर्लक्ष केले गेले आणि तिचा मानसिक छळ सुरु झाला. जान्हवीला छत्रपती संभाजीनगरमध्ये येण्यास परवानगी दिली गेली नाही. ती तिथे गेल्यास “तंगडं तोडेन” अशी धमकीही सिद्धांतकडून दिली गेल्याचा आरोप करण्यात आला आहे.
सात दिवसांत जान्हवीला नांदवण्यासाठी सिद्धांतने काही पावले उचलली नाहीत, तर त्याच्याविरोधात तीन वेगवेगळ्या कायद्यांतर्गत गुन्हे दाखल करण्यात येतील, असा इशारा वकिलांनी दिला आहे.
📌 महत्वाच्या बातम्या
- सुरेश रैनाची पुन्हा एकदा चेन्नई सुपर किंग्जमध्ये होणार एन्ट्री! सांभाळणार ‘ही’ सर्वात मोठी जबाबदारी
- महाराष्ट्रात पावसाचा कहर; महाराष्ट्रातील ‘या’ जिल्ह्यांना पाऊस पुन्हा झोडपणार
- “प्रेग्नंसीची कल्पनाही नव्हती, अन् डान्स केला”; सोनाली बेंद्रेचा अनपेक्षित खुलासा
बातम्यांसाठी YouTube चॅनेल Subscribe करा
Subscribe Now
