सोशल मीडियावर एखाद्या छोट्याशा गोष्टीचा किती मोठा राईचा पर्वत होऊ शकतो, याचा धक्कादायक प्रत्यय पुन्हा एकदा समोर आलाय. आयपीएल २०२६ (IPL 2026) च्या स्पर्धेतून पंजाब किंग्स (PBKS) बाहेर पडल्यानंतर कर्णधार श्रेयस अय्यरची बहीण श्रेष्ठा अय्यर अचानक रडारवर आली आहे.
एका जुन्या व्हिडीओवरून तिला अक्षरशः भयानक ट्रोलिंगचा सामना करावा लागत असून, आता या वाढत्या Shreshta Iyer Controversy वर संतापलेल्या श्रेष्ठाने थेट मौन सोडलंय.
Shreshta Iyer Controversy
सोशल मीडियावर एक नवा व्हिडीओ पोस्ट करत तिने ट्रोलर्सचा चांगलाच समाचार घेतला. “माझ्या कामाच्या ठिकाणी लोक फोन करून अश्लील भाषेत बोलत आहेत आणि माझा अपमान करत आहेत. या बेरोजगार आणि निराश लोकांनी आता सर्व मर्यादा ओलांडल्या आहेत,” असा थेट प्रहार तिने या व्हिडीओतून केला आहे.
६ एप्रिल रोजी केकेआर विरुद्ध पंजाब किंग्सचा सामना पावसामुळे रद्द झाला होता. त्यावेळी पंजाबला एक गुण मिळाला. त्यावर श्रेष्ठाने मजेत एक व्हिडीओ बनवत म्हटलं होतं की, ‘पंजाबी लोकांचं मन मोठं असतं, हा गुण तुमच्यासाठी.’ पण हा व्हिडीओ केकेआरची खिल्ली उडवणारा असल्याचा अर्थ चाहत्यांनी काढला.
आता पंजाब संघ स्पर्धेतून बाहेर पडताच याच जुन्या व्हिडीओचा राग काढत काही जण अत्यंत खालच्या पातळीवर जाऊन तिला टार्गेट करत आहेत. यावर स्पष्टीकरण देताना श्रेष्ठाने अत्यंत स्पष्ट शब्दांत सांगितलं की, “तो व्हिडीओ केवळ एक मजेचा भाग होता. माझा कोणताही वाईट हेतू नव्हता. माझा भाऊ क्रिकेटपटू आहे, त्यामुळे मी सर्वच खेळाडूंचा आणि संघांचा आदर करते.”
केवळ एका मजेच्या व्हिडीओवरून खेळाडूंच्या कुटुंबीयांना थेट अश्लील शिवीगाळ करण्यापर्यंत मजल गेल्याने सध्या क्रीडा वर्तुळात चांगलीच खळबळ उडाली आहे.
📌 महत्वाच्या बातम्या
- महाराष्ट्रात उन्हाचा तांडव; २४ तासांत तब्बल ११ जणांचा बळी, नेमकं काय घडतंय?
- उदय सामंत यांच्या पत्नीची मोठी माघार; निवडणुकीत अचानक ‘हा’ मोठा ट्विस्ट!
- महाराष्ट्रात निसर्गाचा रुद्रावतार; पावसाचा दणादण मारा, भयंकर वाऱ्याने घराची पत्रेही उडाली
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
