सातारा, 17 नोव्हेंबर: राज्याचे सार्वजनिक बांधकाम मंत्री शिवेंद्रराजे भोसले यांनी आपल्या राजकीय विरोधकांना एक सूचक इशारा दिला आहे. जो आपल्याला नडतो, तो टप्प्यात आल्यावर त्याला डोक्यावर आपटून बाजूला कसं व्हायचं, हा कुस्तीतला डाव आपण आपल्या वडिलांकडून शिकलो असल्याचे त्यांनी म्हटले आहे.
विश्वासू आणि नेहमी एकनिष्ठ राहणाऱ्या व्यक्तीलाच पदाची लॉटरी लागते, असे ते म्हणाले. काहींना वाटतं की ‘बाबांना काय समजतंय?’, मात्र कोणाला कधी डोक्यावर टाकायचं हे मला अचूक माहीत आहे, असा टोला त्यांनी लगावला.
उपस्थितांना उद्देशून ते म्हणाले की, इकडे-तिकडे किंवा मधेच कुठेही वळण न घेता, जिथून निघाल तिथून थेट बंगल्यावर या. तुमची निष्ठा असेल तर त्याचे नक्कीच चीज होईल. कुस्तीतील डावपेचांचा संदर्भ देत शिवेंद्रराजे म्हणाले की, एखाद्याला डोक्यावर टाकल्यावरच त्याला ते समजतं, तोपर्यंत त्याला आपण डोक्यावर पडलोय हे काहीच कळत नाही.
आपला हा राजकीय डावपेच स्पष्ट करताना त्यांनी सांगितले की, आज नाही तर महिना, सहा महिने किंवा वर्षभर वाट पाहावी लागली तरी चालेल. पण जो नडतो, तो कधी ना कधी आपल्या टप्प्यात येतोच. त्यावेळी त्याला बरोबर डोक्यावर टाकायचं आणि आपण त्यातून बाहेर पडायचं, हीच शिकवण आपण वडिलांकडून घेतल्याचे शिवेंद्रराजे भोसले यांनी स्पष्ट केले.
📌 महत्वाच्या बातम्या
- रोहित पवारांचा मुख्यमंत्र्यांवर ‘मफलरमॅन’ उल्लेख करत गंभीर आरोप, सत्यजीत तांबेंची पोस्टद्वारे एन्ट्री
- राहुल गांधींनी पहिल्यांदाच केला गर्लफ्रेंडचा उल्लेख; आईच्या पुस्तक प्रकाशनात सांगितला केंब्रिजमधील किस्सा
- SRA आरोपांवरून प्रताप सरनाईक यांचा संजय राऊतांवर पलटवार; अपना घर घोटाळ्याप्रकरणी दिला कारवाईचा इशारा








