IND vs NZ Final: अहमदाबादच्या नरेंद्र मोदी स्टेडियमवर २५५ धावांच्या महाकाय लक्षाचा बचाव करताना टीम इंडियाची सुरुवात अतिशय खराब झाली आहे. विश्वचषकाची ट्रॉफी हातातून निसटते की काय, अशी भीती आता भारतीय चाहत्यांना वाटू लागली आहे. कारण न्यूझीलंडचा सर्वात घातक फलंदाज फिन ऍलनला चक्क एक मोठे जीवदान मिळाले आहे!
पहिल्या डावात फलंदाजीत २६ धावांची तुफानी खेळी करणारा शिवम दुबे फिल्डिंगमध्ये मात्र हिरोचा थेट झिरो ठरला आहे. अर्शदीप सिंगने आपल्या भेदक गोलंदाजीवर फिन ऍलनला पूर्णपणे चकवले होते. ऍलनने मारलेला चेंडू हवेत उडाला आणि थेट शिवम दुबेच्या दिशेने गेला. पण दडपणाखाली असलेल्या दुबेच्या हातून हा अतिशय सोपा आणि महत्त्वाचा कॅच सुटला.
कॅच सुटताच अर्शदीप सिंगने डोक्याला हात लावला, तर कॅप्टन सूर्यकुमार यादवचाही संताप अनावर झालेला दिसला. ही चूक भारताला किती महागात पडणार, हाच प्रश्न आता सर्वांना सतावतोय. कारण याच फिन ऍलनने सेमीफायनलमध्ये अवघ्या ३३ चेंडूंत शतक ठोकत जगाला आपली ताकद दाखवून दिली होती.
आता या जीवदानाचा फायदा घेत ऍलन पुन्हा एकदा भारतीय गोलंदाजांवर तुटून पडणार की अर्शदीप सिंग त्याला दुसऱ्यांदा बाद करून आपली शिकार पूर्ण करणार? दव फॅक्टरचा (Dew Factor) धोका पाहता अशा चुका टीम इंडियाला परवडणाऱ्या नाहीत. आता पुढील काही षटकांतच या जीवदानाचे खरे परिणाम समोर येतील.
📌 महत्वाच्या बातम्या
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
