Jayant Patil | टीम महाराष्ट्र देशा: राष्ट्रवादी काँग्रेस पक्षाचे नेते अजित पवार (Ajit Pawar) शिंदे-फडणवीस सरकारमध्ये सामील झाले आहे. या घटनेनंतर राज्यातील राजकीय वर्तुळात चर्चांना उधाण आलं आहे. अजित पवार राज्य सरकारमध्ये सामील झाल्यानंतर शिंदे गटात अस्वस्थता पसरली असल्याचं राष्ट्रवादी काँग्रेसचे प्रदेशाध्यक्ष जयंत पाटील यांनी म्हटलं आहे.
Uneasiness has arisen in the Shinde group – Jayant Patil
जयंत पाटील (Jayant Patil) म्हणाले, “आज अजित पवार गटाला मंत्रीपद वाटप होणार आहे. तत्पूर्वी शिंदे गटात अस्वस्थता निर्माण झाली आहे. पूर्वीच्या सरकारमध्ये अर्थमंत्री असलेल्या अजित पवार यांच्यावर आरोप करून शिंदे गट बाहेर पडला होता. आता त्यांच्यासोबतच बसायचं का? अशा चर्चा शिंदे गटात सुरू असल्याचं जयंत पाटलांनी म्हटलं आहे.
“अजित पवार सत्तेत आल्याने शिंदे गटात असंतोष निर्माण झाला आहे. राष्ट्रवादी काँग्रेस पक्ष शरद पवारांचा आहे. तर मी या पक्षाचा प्रदेशाध्यक्ष आहे. 9 जणांची आम्ही पक्षातून हकलपट्टी केलेली असून बाकीचे सर्व आमदार आमचेच आहे. बाकी सर्व आमदार राष्ट्रवादी आणि शरद पवारांच्या पाठीशी तटस्थपणे उभे आहेत”, असही ते (Jayant Patil) यावेळी म्हणाले आहे.
यावेळी बोलत असताना जयंत पाटलांनी (Jayant Patil) शरद पवारांच्या (Sharad Pawar) राज्याच्या दौऱ्याबद्दल माहिती दिली. जयंत पाटील म्हणाले, “थोड्याच दिवसात शरद पवार बीड, अहमदनगर, नाशिक, सोलापूर जिल्ह्याच्या दौऱ्यावर जाणार आहे. पाऊस असो वा नसो शरद पवार जनतेच्या भेटीला जाणार आहे. त्यापूर्वी दिल्लीत वरिष्ठ नेत्यांची बैठक होणार आहे.”
महत्वाच्या बातम्या
- Sudhir Mungantiwar | राष्ट्रवादीची अवस्था ‘शोले’सारखी झाली आहे, आधे इधर आधे उधर – सुधीर मुनगंटीवार
- Ajit Pawar | शिंदे गटाला मोठा दणका! अजित पवार गटाला मिळणार ‘हे’ महत्त्वाचे खाते
- Vijay Wadettiwar | भाजपचा DNA हा ओबीसी विरोधी – विजय वडेट्टीवार
- Praful Patel | “तेव्हा 51 आमदारांनी भाजपसोबत जाण्याची इच्छा व्यक्त केली पण शरद पवारांनी…”; प्रफुल्ल पटेल यांचा गौप्यस्फोट
- Uddhav Thackeray | उद्धव ठाकरे एकनाथ शिंदेंना मोठा धक्का देणार! सर्वोच्च न्यायालयात केली याचिका दाखल
