🕒 1 min read
शेअर बाजारात गुंतवणूक करणाऱ्यांचा जीव गेल्या काही दिवसांपासून टांगणीला लागला होता, असं म्हटलं तर वावगं ठरणार नाही. रोज सकाळी मार्केट उघडलं की लाल निशाण आणि पोर्टफोलिओ डाऊन… यामुळे गुंतवणूकदार हवालदिल झाले होते. पण आज चित्र पालटलंय. शेअर मार्केट (Share Market) मध्ये आज अखेर हिरवळ परतली असून सेन्सेक्स आणि निफ्टीने जोरदार कमबॅक केलंय.
Share Market Rally
बाजारात उत्साह दिसून आला. सेन्सेक्सने ट्रेडिंग दरम्यान तब्बल ७७३ अंकांची उसळी घेतली, तर निफ्टीनेही २५,४०० चा टप्पा पार करत गुंतवणूकदारांना मोठा दिलासा दिला. विशेष म्हणजे, गेल्या काही दिवसांपासून मार खाणाऱ्या मिडकॅप आणि स्मॉलकॅप शेअर्समध्येही आज जोरदार खरेदी दिसून आली.
या तेजीचं श्रेय जातंय थेट अमेरिकेचे राष्ट्राध्यक्ष डोनाल्ड ट्रम्प (Donald Trump) यांना. ट्रम्प यांनी दावोसमध्ये आपली भूमिका अचानक मवाळ केली आणि त्याचा परिणाम जागतिक बाजारावर झाला. ट्रम्प यांनी स्पष्ट केलं की, “ग्रीनलँडला ताब्यात घेण्यासाठी सैन्याचा वापर करणार नाही.” शिवाय युरोपियन देशांवर टॅरिफ (कर) लादण्याचा निर्णयही त्यांनी लांबणीवर टाकला आहे. ट्रम्प यांची ही ‘नरमाई’ मार्केटला भावली आणि युद्धाचे ढग विरल्याचं सिग्नल मिळताच बाजाराने उसळी घेतली.
फक्त जागतिक तणाव कमी झाला नाही, तर भारतासाठीही एक ‘गुड न्यूज’ आली आहे. ट्रम्प यांनी दावोसमध्ये संकेत दिले आहेत की, अमेरिका लवकरच भारतासोबत एक मोठा व्यापार करार करणार आहे. यामुळे गुंतवणूकदारांचा आत्मविश्वास दुप्पट झाला. जिओजित इन्व्हेस्टमेंटचे तज्ज्ञ व्ही. के. विजयकुमार म्हणतात, “ट्रम्प यांनी युरोपवरील टॅरिफचा निर्णय टाळल्याने ‘ट्रेड वॉर’चा धोका टळला आहे, हीच बाजारासाठी सर्वात मोठी जमेची बाजू आहे.”
एकंदरीत, ट्रम्प यांच्या एका यू-टर्नने गुंतवणूकदारांचे करोडो रुपये बुडता-बुडता वाचले आहेत, असं म्हणायला हरकत नाही.
(टीप: शेअर बाजारातील गुंतवणूक ही जोखमीची असते. कोणताही निर्णय घेण्यापूर्वी आपल्या आर्थिक सल्लागाराशी चर्चा करा.)
📌 महत्वाच्या बातम्या
- ग्राहकांसाठी मोठी बातमी; सलग ४ दिवस बँका बंद राहणार? १० लाख कर्मचारी संपावर!
- टाटांचा मोठा धमाका! कमी किमतीत सनरूफसह लक्झरी फीचर्स; लाँच केली नवीन पंच फेसलिफ्ट
- सोनं ४००० रुपयांनी कोसळलं! चांदीत ऐतिहासिक घसरण; खरेदीची हीच का वेळ?
बातम्यांसाठी YouTube चॅनेल Subscribe करा
Subscribe Now
