🕒 1 min read
महाराष्ट्राच्या राजकारणातील ‘पहाडी आवाज’ आज कायमचा शांत झाला आहे. बारामतीत घडलेल्या त्या एका घटनेने केवळ राजकीय क्षेत्रच नव्हे, तर सर्वसामान्यांचे काळीजही पिळवटून टाकले आहे. अजित पवार (Ajit Pawar) यांच्या निधनाच्या बातमीने राज्यावर शोककळा पसरली असतानाच, बारामतीतील रुग्णालयाबाहेरचे दृश्य उपस्थितांना रडवून गेले.
रुग्णालयाबाहेर चाहत्यांचा आणि कार्यकर्त्यांचा जनसागर लोटला आहे. याच गर्दीत अभिनेते आणि राष्ट्रवादीचे नेते सयाजी शिंदे (Sayaji Shinde) यांची अवस्था पाहून अनेकांना हुंदका आवरता आला नाही. नेहमी आपल्या खंबीर आवाजासाठी ओळखले जाणारे सयाजी शिंदे आज लहान मुलासारखे ढसाढसा रडताना दिसले. त्यांना बोलताही येत नव्हते, शब्द फुटत नव्हते. डोळ्यांतून फक्त अश्रूंच्या धारा वाहत होत्या.
Ajit Pawar Death
सयाजी शिंदे यांची अवस्था इतकी बिकट झाली होती की, त्यांना चालणंही कठीण झालं होतं. अखेर पोलिसांनी त्यांना गर्दीतून सावरत आणि आधार देत बाजूला नेले. विशेष म्हणजे, 11 ऑक्टोबर 2024 रोजी सयाजी शिंदे यांनी अजितदादांच्या उपस्थितीतच राष्ट्रवादीत प्रवेश केला होता. आपल्या नेत्याचं असं अचानक जाणं त्यांच्यासाठी मोठा धक्का मानला जात आहे.
मुंबईहून बारामतीला आलेल्या अजित पवारांच्या विमानाला लँडिंगच्या वेळी धावपट्टीच्या बाजूला भीषण अपघात झाला. या दुर्देवी घटनेत अजित पवार यांच्यासह 5 जणांचा मृत्यू झाला आहे. ही बातमी वाऱ्यासारखी पसरताच बारामतीकरांनी रुग्णालयाकडे धाव घेतली. सध्या पोलीस प्रशासनाकडून परिस्थिती नियंत्रणात आणण्यासाठी मोठा बंदोबस्त तैनात करण्यात आला आहे, पण कार्यकर्त्यांचा आक्रोश थांबता थांबत नाहीये.
📌 महत्वाच्या बातम्या
- ‘बांगलादेशने आपल्यासाठी काय दिवे लावले?’; वसीम अक्रम भडकला, पाकिस्तानला आरसा दाखवला!
- ‘ती’ बातमी आली अन् काळजाचा ठोका चुकला; अजितदादांच्या निधनावर रितेश देशमुखची इमोशनल पोस्ट, म्हणाला…
- हा अपघात की घातपात?; अजितदादा भाजप सोडण्याच्या तयारीत होते म्हणून…? अजितदादांच्या मृत्यूनंतर बॅनर्जींचा मोदी सरकारवर भीषण हल्लाबोल!
