Sanju Samson: अहमदाबादच्या नरेंद्र मोदी स्टेडियमवर आज धावांचा पाऊस पडतोय की वादळ आलंय? हाच प्रश्न न्यूझीलंडच्या गोलंदाजांना पडला असेल. टी-२० विश्वचषकाच्या फायनलमध्ये दव पडण्याच्या भीतीने किवींनी गोलंदाजी निवडली, पण टीम इंडियाच्या फलंदाजांनी त्यांचे सर्व मनसुबे उधळून लावले आहेत.
मैदानावर आता १४ षटकांचा खेळ पूर्ण झाला असून ‘ड्रिंक्स ब्रेक’ घेण्यात आला आहे. पण भारतीय फलंदाजांची धावांची तहान काही शमलेली नाही. टीम इंडियाने अवघ्या १४ षटकांतच १ बाद १९१ धावांचा प्रचंड डोंगर उभा केला आहे. भारताचा रनरेट १३.६ इतका भयंकर आहे.
या महामुकाबल्यात संजू सॅमसनने अक्षरशः ‘रौद्र अवतार’ धारण केला आहे. फायनलसारख्या मोठ्या मॅचच्या दबावाला झुगारून देत संजूने किवी गोलंदाजांचा असा काही बाजार उठवलाय की त्यांना कुठे चेंडू टाकावा हेच समजेनासे झाले आहे.
संजू टी-२० विश्वचषकाच्या फायनलमध्ये ऐतिहासिक शतक झळकावण्यापासून अवघ्या १२ धावा दूर आहे. त्याने ४४ चेंडूंत नाबाद ८८ धावा कुटल्या आहेत. या तुफानी डावात त्याने तब्बल ८ गगनभेदी षटकार आणि ५ खणखणीत चौकार ठोकले आहेत. त्याचा स्ट्राईक रेट थेट २०० च्या घरात आहे!
संजूला दुसऱ्या बाजूने ईशान किशनची तितकीच खतरनाक साथ मिळत आहे. ईशानने अवघ्या १९ चेंडूंत नाबाद ४३ धावा ठोकत न्यूझीलंडची उरलीसुरली झोप उडवली आहे. त्यानेही आतापर्यंत ३ चौकार आणि ३ कडक षटकार मारले आहेत.
मॅट हेन्री आणि रचिन रवींद्रसारख्या मुख्य गोलंदाजांची या दोघांनी मिळून जबरदस्त धुलाई केली आहे. आता संजू आपले शतक पूर्ण करतो का आणि उरलेल्या ६ षटकांत टीम इंडिया न्यूझीलंडसमोर किती अवाढव्य टार्गेट ठेवते, याकडे १ लाख ३२ हजार प्रेक्षकांचे डोळे लागले आहेत.
📌 महत्वाच्या बातम्या
- Sanju Samson: संजू सॅमसनचा फायनलमध्ये धमाका! झंझावाती अर्धशतक ठोकत न्यूझीलंडच्या गोलंदाजांची काढली पिसं
- IND vs NZ Final: अभिषेक शर्माचे वादळी अर्धशतक अन् टीम इंडियाचे शतक पार! न्यूझीलंडच्या गोलंदाजांची उडाली झोप
- Narendra Modi Stadium: मोदी स्टेडियम टीम इंडियासाठी ‘पनवती’? सोशल मीडियावर चाहत्यांची वाढली धडधड!
बातम्यांसाठी YouTube चॅनेल Subscribe करा
Subscribe Now
