🕒 1 min read
Sanju Samson: विश्वचषकाची फायनल आणि त्यातही १ लाख ३२ हजार प्रेक्षकांचे दडपण! पण संजू सॅमसनला या कशाचाही फरक पडत नाही, हे त्याने आज पुन्हा एकदा सिद्ध करून दाखवले आहे. अहमदाबादच्या नरेंद्र मोदी स्टेडियमवर सुरू असलेल्या IND vs NZ T20 World Cup Final मध्ये संजूने किवी गोलंदाजांचा अक्षरशः बाजार उठवला आहे.
टॉस हरून प्रथम फलंदाजीला आलेल्या टीम इंडियाची सुरुवात अभिषेक शर्माने वादळी केली होती. अभिषेक बाद झाल्यानंतर संजू सॅमसनने एक बाजू अतिशय खंबीरपणे सांभाळत धावांचा वेग कमी होऊ दिला नाही.
किवी गोलंदाजांचा समाचार घेत संजूने अवघ्या ३३ चेंडूंत ५० धावांची स्फोटक आणि तितकीच जबाबदार अर्धशतकी खेळी साकारली आहे. या शानदार डावात त्याने आतापर्यंत ४ कडक चौकार आणि ३ उत्तुंग षटकार ठोकले आहेत आणि त्याचा स्ट्राईक रेट १५१.५२ इतका आहे. न्यूझीलंडचा कर्णधार मिचेल सँटनर आणि जेम्स नीशम त्याला रोखण्यात पूर्णपणे अपयशी ठरत आहेत.
संजूला आता ईशान किशनचीही आक्रमक साथ मिळत आहे. ईशानने अवघ्या १२ चेंडूंत २७ धावा ठोकत न्यूझीलंडचे टेन्शन आणखी वाढवले आहे. या दोघांच्या वादळी फटकेबाजीच्या जोरावर टीम इंडियाने ११ षटकांतच १३७ धावांचा टप्पा ओलांडला आहे. भारताचा सध्याचा रनरेट १२.५ इतका भयंकर आहे. आता दव पडण्याआधी टीम इंडिया न्यूझीलंडसमोर किती अवाढव्य टार्गेट ठेवते, हे पाहणे थरारक ठरणार आहे.
📌 महत्वाच्या बातम्या
- IND vs NZ Final: अभिषेक शर्माचे वादळी अर्धशतक अन् टीम इंडियाचे शतक पार! न्यूझीलंडच्या गोलंदाजांची उडाली झोप
- Narendra Modi Stadium: मोदी स्टेडियम टीम इंडियासाठी ‘पनवती’? सोशल मीडियावर चाहत्यांची वाढली धडधड!
- IND vs NZ Final: सूर्याचा मोठा जुगार! फायनलची Playing 11 जाहीर, न्यूझीलंडने टाकली गुगली
बातम्यांसाठी YouTube चॅनेल Subscribe करा
Subscribe Now
