मुंबई : महापालिका निवडणुकांच्या पार्श्वभूमीवर मनसे अध्यक्ष राज ठाकरे आणि ठाकरे गटप्रमुख उद्धव ठाकरे एकत्र येणार असल्याच्या चर्चेला राजकीय वर्तुळात वेग आला असताना, ठाकरे गटाचे खासदार संजय राऊत यांनी राज ठाकरे यांच्यावर खोचक टिप्पणी केली आहे.
संजय राऊत म्हणाले, “राज ठाकरे म्हणजे मुक्त विद्यापीठ आहेत. कोणताही नेता जाऊन तिथे पदवी घेऊ शकतो. तिथे खिचडी मिळते, पदवीही मिळते. जर राज ठाकरे त्या विद्यापीठाचे कुलगुरू असतील, तर तो त्यांचा प्रश्न आहे. मात्र आम्ही केवळ एक अट मांडली होती – महाराष्ट्रद्रोही भूमिका घेणाऱ्यांशी संबंध ठेवू नयेत.”
Sanjay Raut Calls Raj Thackeray an Open University, Taunts Ajit Pawar as ‘Remya’
राऊत यांनी स्पष्ट केलं की, राज आणि उद्धव ठाकरे एकत्र येण्याच्या चर्चेवर त्यांनी सकारात्मक प्रतिसाद दिला आहे, परंतु युती करताना “अनैतिक संबंध” ठेवू नयेत, अशी भूमिका ठाकरे गटाची आहे.
नारायण राणे आणि राज ठाकरे यांचं कौतुक करताना राऊत म्हणाले, “या दोघांनी शिवसेना सोडली, स्वतःचा पक्ष स्थापन केला. पण ‘मीच खरा शिवसेनाप्रमुख’ असं त्यांनी कधीही म्हटलं नाही. त्यांनी राजकारण स्वतंत्रपणे केलं.”
अजित पवारांवर टीका करताना राऊत म्हणाले, “तुमच्या व्यासपीठावर राष्ट्रवादीचे जन्मदाता बसले असताना, तुम्ही स्वतःलाच राष्ट्रवादीचा निर्माता म्हणता, ही ही भूमिका अजित पवारांना कळत नसेल तर ते रेम्या डोक्याचे आहेत, असे त्यांनी म्हटले.
📌 महत्वाच्या बातम्या
- गुंड गजा मारणेची ढाब्यावर मटण पार्टी; पाच पोलिस निलंबित
- भाजपने 58 जिल्ह्यांचे अध्यक्ष बदलले, वाचा संपूर्ण यादी
- कोल्हापूर काँग्रेसमध्ये खदखद! नगरसेवक नाराज? सतेज पाटील म्हणाले, “चिल्लर…!”
