🕒 1 min read
Rupali Chakankar | पुण्यातील दीनानाथ रुग्णालयात प्रसूतीसाठी आलेल्या तनिषा भिसे (Tanisha Bhise) यांच्या कुटुंबाकडे दहा लाख रुपयांची मागणी करण्यात आली. पैसे न भरल्यानं या महिलेला रुग्णालयात दाखल करून घेतलं नाही. योग्यवेळी उपचार न मिळाल्यानं या महिलेचा मृत्यू झाला, असा आरोप रुग्णालयावर करण्यात येत आहे.या घटनेवर राज्यभरातून संताप व्यक्त होत असतानाच आता राज्य महिला आयोगाच्या अध्यक्षा रुपाली चाकणकर (Rupali Chakankar) यांनी भिसे कुटुंबीयांची भेट घेतली आहे.
Rupali Chakankar On Tanisha Bhise Death Case
या भेटीनंतर रुपाली चाकणकरांनी वैद्यकीय आणि पोलीस अधिकाऱ्यांसमवेत आढाव बैठक घेतली. यानंतर त्यांनी पूर्ण घटनाक्रम सांगितला आहे. “रुग्णाला २ एप्रिलला बोलावलं होतं. पण २८ मार्चला गर्भवती महिलेला रक्तस्राव होऊ लागल्याने त्यांनी डॉक्टरांशी संपर्क साधला. त्यानुसार डॉक्टरांनी त्यांना रुग्णालयात येण्यास सांगितलं. स्टाफला डिलिव्हरीसाठी तयारी करण्यास सांगितलं. त्यांनतर रुग्णाला ऑपरेशन थिएटरमध्ये घेऊन जाण्याअगोदर त्यांच्याकडून १० लाखांची मागणी केली. मात्र रुग्णाच्या कुटुंबीयांनी ‘एवढे पैसे आत्ता नाहीत, ३ लाखांपर्यंत भरू शकतो. उद्यापर्यंत पूर्ण पैसे भरतो’ असं सांगितलं.
“त्यानंतर मंत्रालयातून आणि विभागातून फोन गेले. तरीही याची दखल घेतली नाही. त्यामुळे रात्री अडीच वाजता रुग्ण बाहेर पडला. मोठ्या प्रमाणात रक्तस्राव होत असतानाही रुग्णावर कोणतेही उपचार झाले नाहीत. साडेपाच तास गर्भवती महिला रुग्ण मंगेशकर रुग्णालयात होती. त्यांच्यावर उपचार झाले असते तर त्या वाचल्या असत्या”, अशी माहिती रुपाली चाकणकर यांनी दिली.
महत्वाच्या बातम्या :
- “रामाचे नाव घेण्याची यांची पात्रता नाही”; Uddhav Thackeray यांचा सरकारवर जोरदार हल्लाबोल
- Kunal Kamra याची मुंबई उच्च न्यायालयात धाव; ‘एफआयआर’बाबत केली मोठी मागणी
- महिला IAS अधिकाऱ्याशी संबंध असल्याच्या प्रकरणावरून Eknath Khadse यांचा महाजनांवर पलटवार; म्हणाले…
बातम्यांसाठी YouTube चॅनेल Subscribe करा
Subscribe Now
