‘गटर जनरेशन’ म्हणत देशातल्या तरुणींचा अपमान करणाऱ्या कंगना रणौतला (Kangana Ranaut) आता संसदेच्या पायऱ्यांवरूनच थेट आणि खुलं आव्हान मिळालं आहे. स्वतःला संस्कारी म्हणवून घेणाऱ्या कंगनाला आता काँग्रेसच्या ज्येष्ठ खासदार रेणुका चौधरी (Renuka Chowdhury) यांनी अत्यंत शेलक्या शब्दांत सुनावले आहे.
पावसाळी अधिवेशनादरम्यान संसद परिसरात प्रसारमाध्यमांशी बोलताना रेणुका चौधरी यांनी कंगनाचा खरपूस समाचार घेतला. सीजेपी (CJP) आंदोलनात सहभागी झालेल्या ‘जेन झी’ (Gen Z) तरुणींना कंगनाने ‘गटर छाप’ म्हटलं होतं. यावरून आता राजकीय वर्तुळात मोठी खळबळ उडाली असून काँग्रेसने थेट भाजपवर निशाणा साधला आहे.
Renuka Chowdhury on Kangana Ranaut
काँग्रेस खासदार रेणुका चौधरी यांनी आक्रमक होत कंगनाच्या थेट पात्रतेवरच बोट ठेवलं. “केवळ गटारातून आलेले लोकच ओळखू शकतात की, आणखी कोण गटारातून आलंय आणि कोण नाही,” असा सणसणीत घणाघात त्यांनी केला. एवढंच नाही तर, स्वतःला उत्तम गृहिणी म्हणवून घेण्यासाठी कंगनाकडे कोणतं प्रमाणपत्र आहे? असा खोचक सवालही त्यांनी यावेळी विचारला.
संसदेत सरकारचा पाठिंबा मिळवण्यासाठी आणि स्वतःची प्रशंसा करून घेण्यासाठी कंगना अशी वक्तव्ये करत असल्याचा आरोप चौधरी यांनी केला आहे. “भाजप महिलांसोबत प्रत्यक्षात कसं वागतं, हे कंगनाला लवकरच समजेल,” असा सूचक इशाराही त्यांनी दिला. आपण या लोकांकडूनच शिकत असून याचे गंभीर परिणाम भोगावे लागतील, असंही त्या म्हणाल्या.
सूत्रांनी दिलेल्या माहितीनुसार, याआधी कंगनाने इन्स्टाग्रामवर एका पोस्टमधून हिंदू तरुणींवर अत्यंत गलिच्छ शब्दांत टीका केली होती. आई-बापाच्या पैशांवर जगणाऱ्या या मुली दारू पितात आणि अनेकांशी शारीरिक संबंध ठेवतात, अशी मुक्ताफळे तिने उधळली होती. त्यामुळेच आता कंगनाच्या या वादग्रस्त वक्तव्यावरून राजकारण चांगलंच तापलं आहे.
📌 महत्वाच्या बातम्या
- आसाममध्ये हाहाकार! ७६३ गावं पाण्याखाली, पूरग्रस्तांच्या मदतीला धावून आला सलमान खान, नेमकं काय करतोय?
- PMC भ्रष्टाचाराचा स्फोट! ‘देवाभाऊंचा निरोप’ कोडवर्ड म्हणत काँग्रेस नेत्याचं मोहन भागवतांना थेट पत्र
- “बॉलिवूडमध्ये कुठे-कुठे तोंड काळं केलंय….”; कंगना रणौतची राखी सावंतने थेट लायकी काढली! नेमकं काय घडलं?
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
