‘मी नाही सांगणार…’ जया बच्चन यांनी पत्रकाराचा माईक ढकलला; कंगना रनौतने व्हिडीओ शेअर करत लगावला सणसणीत टोला

इंडिया आघाडीच्या आंदोलनादरम्यान पत्रकाराचा माईक ढकलणाऱ्या जया बच्चन यांचा व्हिडीओ शेअर करत, खासदार कंगना रनौतने त्यांच्यावर खोचक शब्दांत निशाणा साधला आहे.

Published On: 

Kangana Ranaut takes a dig at Jaya Bachchan pushing reporter mic during protest

प्रतिनिधी, 7 ऑक्टोबर : बॉलिवूडच्या ज्येष्ठ अभिनेत्री आणि समाजवादी पार्टीच्या खासदार जया बच्चन (Jaya Bachchan) यांचा पारा मीडियासमोर नेहमीच चढलेला असतो, हे काही नवं नाही. पण आता चक्क एका राजकीय आंदोलनादरम्यान त्यांनी एका पत्रकाराचा माईक अक्षरशः दूर ढकलल्याचा प्रकार घडलाय. नेहमीप्रमाणे या मुद्द्यावरून आता भाजप खासदार कंगना रनौत (Kangana Ranaut) हिने जया बच्चन यांना चांगलंच फैलावर घेतलंय.

झालं असं की, मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी दिल्लीत ‘इंडिया’ आघाडीच्या खासदारांनी जोरदार आंदोलन पुकारलं होतं. विरोधी पक्षनेते राहुल गांधी यांच्यासह अनेक बडे नेते तिथे हजर होते. याच आंदोलनात जया बच्चन याही सहभागी झाल्या होत्या. पण जेव्हा एका वृत्तवाहिनीच्या पत्रकाराने त्यांना त्यांच्या मागण्यांबाबत प्रश्न विचारण्याचा प्रयत्न केला, तेव्हा त्यांच्या चेहऱ्यावर नेहमीचीच चिडचिड पाहायला मिळाली.

Kangana Ranaut Mocks Jaya Bachchan

प्रश्नाचं उत्तर देणं तर दूरच, पण जया बच्चन यांनी चक्क पत्रकाराचा माईक हाताने मागे ढकलला. या घटनेचा व्हिडीओ सध्या सोशल मीडियावर वाऱ्यासारखा पसरतोय. हाच व्हायरल व्हिडीओ कंगना रनौतच्या नजरेस पडला अन् तिने लगेचच आपल्या इन्स्टाग्राम अकाऊंटवरून तो शेअर करत एक खोचक पोस्ट लिहिली.

कंगनाने तिच्या पोस्टमध्ये लिहिलंय की, “जेव्हा तुम्ही संपूर्ण जगासमोर आपला मुद्दा मांडण्यासाठी आंदोलनाला बसता… पण कुणी तुमचे प्रश्न, तुमची मागणी काय आहे हे विचारलं, तर तुमचं उत्तर असतं – ‘मी नाही सांगणार’ (नहीं बताऊंगी).” या कॅप्शनसोबत तिने हसणारी इमोजी टाकून जया बच्चन यांच्या भूमिकेची चांगलीच खिल्ली उडवली आहे.

मुळात, कंगना आणि जया बच्चन यांच्यात असा वाद झडण्याची ही पहिलीच वेळ नाही. पापाराझींवरून किंवा मीडियाला वागणूक देण्यावरून कंगनाने याआधीही अनेकदा त्यांच्यावर तिखट शब्दांत निशाणा साधला आहे. त्यामुळेच आता या ताज्या व्हिडीओवरून पुन्हा एकदा सोशल मीडियावर नव्या वादाच्या चर्चांना उधाण आलंय. याबाबत आता समाजवादी पार्टी किंवा जया बच्चन यांच्याकडून काही प्रतिक्रिया येते का, हे पाहणं महत्त्वाचं ठरेल.

📌 महत्वाच्या बातम्या

Maharashtra Desha

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही