पती-पत्नीच्या नात्यात समजूतदारपणा हवा की ‘जशास तसे’ उत्तर? हा प्रश्न सध्या सोशल मीडियावर चांगलाच गाजतोय आणि याला कारणीभूत ठरली आहे बॉलीवूडची ‘मर्दानी’ राणी मुखर्जी (Rani Mukerji). सध्या ती आपल्या आगामी ‘मर्दानी 3’ (Mardaani 3) चित्रपटाच्या प्रमोशनमध्ये व्यस्त आहे. मात्र, या प्रमोशनच्या नादात तिने महिलांना असा काही सल्ला दिला की, नेटकऱ्यांनी तिची चांगलीच शाळा घेतली आहे.
एका मुलाखतीत बोलताना राणीने घरातल्या संस्कारांवर भाष्य केलं. ती म्हणाली, “जर नवरा बायकोवर ओरडत असेल, तर बायकोनेही गप्प न बसता नवऱ्यावर ओरडलंच पाहिजे.” तिच्या मते, वडिलांनी आईवर ओरडणं ही सामान्य गोष्ट नाही. जर मुलं हे पाहत असतील, तर त्यांना वाटतं की स्त्रियांना अशी वागणूक दिली तरी चालते. “आदराची सुरुवात ही घरातूनच व्हायला हवी. त्यामुळे वडिलांचा आवाज चढला तर आईनेही आवाज चढवलाच पाहिजे,” असं तिने ठामपणे सांगितलं.
Rani Mukerji Statement
तिचा हा व्हिडिओ सोशल मीडियावर (Social Media) वाऱ्यासारखा व्हायरल झाला आणि वादाची ठिणगी पडली. राणीला वाटलं असेल की ती ‘समानते’चा संदेश देतेय, पण नेटकऱ्यांना तिचा हा ‘किंचाळण्याचा’ सल्ला अजिबात रुचलेला नाही. अनेक युजर्सनी तिला ट्रोल करण्यास सुरुवात केली आहे.
एका संतप्त युजरने कमेंट केली, “राणीला वाटतंय ती मजेत बोलतेय, पण हा काय सल्ला झाला? दोन चुकीच्या गोष्टी मिळून एक बरोबर गोष्ट कधीच होत नाही.” तर दुसऱ्याने तिला सुनावलं, “प्रत्येक वेळी आरडाओरडा कशाला? आपण शांततेने एकमेकांशी का बोलू शकत नाही?” नात्यात आदर राखण्यासाठी भांडण वाढवणं हा उपाय नव्हे, असं म्हणत नेटकऱ्यांनी राणीच्या विचारांवर सडकून टीका केली आहे. एकीकडे ती स्त्री सक्षमीकरणाचा चेहरा मानली जाते, पण दुसरीकडे असा ‘अजब’ सल्ला दिल्याने ती सध्या ट्रोलिंगचा शिकार झाली आहे.
📌 महत्वाच्या बातम्या
- विराट कोहलीचे अकाऊंट इंस्टाग्रामवरून गायब? अचानक एक्झिटमुळे चाहत्यांना धक्का!
- सोनं खरेदी करताय? थांबा! 1 तोळ्याचा भाव ऐकून फिरतील डोळे; चांदीनेही रेकॉर्ड मोडला!
- अजितदादांना अनोखी श्रद्धांजली; राष्ट्रवादीची महाराष्ट्रातील सर्व चित्रपटगृहांना मोठी विनंती!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
