पुणे, 11 ऑक्टोबर: पुणे आणि पिंपरी-चिंचवडमध्ये म्हाडाच्या (पुणे गृहनिर्माण क्षेत्रविकास मंडळ) ४,४६२ घरांच्या सोडतीसाठी तब्बल एक लाखापेक्षा जास्त अर्ज आले आहेत. मात्र, घर मिळविण्याच्या आशेने अर्ज करणाऱ्या नागरिकांसमोर आता एक नवीन तांत्रिक अडचण उभी राहिली आहे. आवश्यक ती सर्व कागदपत्रे हातात असूनही त्यांचे बारकोड ऑनलाइन ‘व्हेरिफाय’ (पडताळणी) होत नसल्याने अनेकांची प्रक्रिया रखडली आहे.
म्हाडाने (Pune Mhada Lottery) २६ ऑगस्ट रोजी या घरांसाठी जाहिरात काढली होती आणि सुरुवातीला अर्ज करण्याची अंतिम तारीख ३० सप्टेंबर होती. रहिवासी दाखला, आयटीआर आणि ऑनलाइन पडताळणीत येणाऱ्या अडचणी लक्षात घेऊन ही मुदत १५ ऑक्टोबरपर्यंत वाढवण्यात आली. पण, तहसीलदारांनी दिलेले उत्पन्नाचे दाखले आणि इतर प्रमाणपत्रांचे बारकोड अद्यापही पडताळले जात नसल्याने मुदतवाढीनंतरही पेच कायम आहे.
या त्रुटींमुळे अर्ज पुढे सरकत नसल्याने त्रस्त झालेल्या अनेक अर्जदारांनी म्हाडा कार्यालयात धाव घेतली आहे. नागरिकांच्या तक्रारींचे प्रमाण वाढल्याने त्यांच्या अडचणी सोडवण्यासाठी म्हाडाने आता स्वतंत्र कर्मचाऱ्यांची नियुक्ती केली आहे. म्हाडाच्या अधिकाऱ्यांनी स्पष्ट केले आहे की, हा तांत्रिक बिघाड म्हाडाच्या वेबसाइटमध्ये नसून ‘महाआयटी’च्या संगणक प्रणालीमध्ये झाला आहे.
या समस्येबाबत म्हाडाने ‘महाआयटी’च्या संबंधित विभागाशी संपर्क साधला असून त्यांच्या निदर्शनास हा प्रकार आणून दिला आहे. ‘महाआयटी’कडून हा तांत्रिक बिघाड लवकरच दूर करण्याचे आश्वासन देण्यात आले आहे. तरीही, वारंवार येणाऱ्या या तांत्रिक अडथळ्यांमुळे अर्जदारांमध्ये सध्या मोठी नाराजी पाहायला मिळत आहे.
📌 महत्वाच्या बातम्या
- ऑफिसमध्ये काम करताना भूक लागते? ड्रॉवरमध्ये ठेवा ‘हे’ ७ पौष्टिक स्नॅक्स
- पुढच्या निवडणुकीत कसा निवडून येतो बघतोच! रोहित पवारांचा विक्रम पाचपुतेंना अजितदादा स्टाईल इशारा
- चेहऱ्यावरील व्हाइटहेड्स काढण्यासाठी ३ सोपे घरगुती उपाय; त्वचा होईल मऊ आणि चमकदार
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
