Prithviraj Chavan : मराठा आंदोलक मनोज जरांगे (Manoj Jarange) यांनी राज्य सरकारविरुद्ध पुन्हा एकदा आक्रमक पवित्रा घेतला आहे. त्यांनी मराठा आरक्षणाच्या मुद्द्यावरून मुंबईत आंदोलन करण्याची घोषणा केली असून, या निर्णयामुळे राज्य सरकारसमोर नवीन अडचणी निर्माण होण्याची शक्यता आहे.
जरांगे यांनी अंतरवाली सराटी येथील आंदोलकांना गाव सोडण्याचे आवाहन केले असून, लोकांना मुंबईत येण्याचे आवाहन केले आहे. त्यांनी पाच लाख मराठा आंदोलकांसह मुंबईत आंदोलन करण्याची घोषणा केली आहे.
Prithviraj Chavan on Manoj Jarange protest
या पार्श्वभूमीवर, काँग्रेस नेते आणि माजी मुख्यमंत्री पृथ्वीराज चव्हाण (Prithviraj Chavan) यांनी राज्य सरकारवर टीका केली असून, विशेषतः उपमुख्यमंत्री एकनाथ शिंदे यांच्याबाबत गंभीर प्रश्न उपस्थित केले आहेत. यामुळे आता असा प्रश्न निर्माण होतो की, काँग्रेस पक्ष जरांगे यांच्या समर्थनात उभा राहील का?
एकनाथ शिंदे मुख्यमंत्री असताना मनोज जरांगे यांनी आंदोलन केले होते. या आंदोलनाला प्रचंड प्रतिसाद मिळत होता. अखेरीस, एकनाथ शिंदे यांनी आश्वासन दिल्यानंतर हे आंदोलन मागे घेण्यात आले होते. मराठा आरक्षणाच्या प्रश्नावर चर्चा करण्यात आली. त्यात राज्य सरकारचे अधिकारी आघाडीवर होते. या अधिकाऱ्यांनी जरांगे यांना कोणती आश्वासने दिली? हे जाहीर करावे, असे आव्हान पृथ्वीराज चव्हाण यांनी दिले.
“आता पुन्हा एकदा मनोज जरांगे यांना आंदोलनाची घोषणा करावी लागली. याचा अर्थ त्यांना देण्यात आलेली आश्वासने सरकारने पाळलेली नाहीत. आश्वासने पूर्ण झाली नसल्यानेच आंदोलनाची घोषणा झाली आहे. त्यामुळे राज्य सरकारकडून नक्कीच जरांगे यांची दिशाभूल करण्यात आली आहे,” असा आरोप चव्हाण यांनी केला.
📌 महत्वाच्या बातम्या
- मनोज जरांगे यांची प्रकृती खालावली; BP-शुगर कमी, उपचार घेण्यास नकार
- RBI Currency : 10-20 रुपयांच्या नोटांबाबत RBIचा मोठा निर्णय? प्लास्टिक नोटांसाठी टेंडर जारी
- मोदींचा फोटो हटवणं भोवलं? अमित ठाकरेंसह 20-25 जणांवर पोलिसांत गुन्हा
