रोहित पवार यांच्या अडचणीत वाढ; खेकड्याचा छळ केल्याचा ‘पेटा इंडिया’चा आरोप

Rohit Pawar । आमदार रोहित पवार यांनी पुण्यातील पत्रकार परिषदेत जीवंत खेकडा आणला होता. खेकड्याला उलटा लटकवून मंत्री तानाजी सावंत यांच्यावर भ्रष्टचाराचे आरोप केले होते.

आरोग्य विभागामध्ये रुग्णवाहिका खरेदीमध्ये ६ हजार कोटींचा घोटाळा मंत्री सावंत यांनी केला असल्याचा दावा रोहित पवार यांनी केला आहे.  पत्रकार परिषदेत पवारांनी जीवंत खेकडा आणल्यामुळे ते अडचणीत सापडले आहे.

खेकड्याला दोरीने लटकवल्याने त्याचा छळ झाल्याचा आरोप ‘पेटा इंडिया’ संस्थेने केला असून या प्रकरणी आमदार रोहित पवार यांच्यावर कारवाई करण्यात यावी या मागणीसाठी ‘पेटा’ने शरद पवार व उपजिल्हा निवडणूक अधिकारी मीनल कळसकर यांना पत्र पाठवले आहे.

खेकड्याला पशुवैद्यकीय सेवा आणि पुन्हा निसर्गात पुनर्वसन करण्यासाठी खेकड्याला त्यांच्याकडे देण्याची मागणी देखील ‘पेटा’ने केली आहे.

‘पेटा इंडिया’चे कायदेविषयक सल्लागार विभागाचे शौर्य अग्रवाल यांनी लिहिलेल्या पत्रात म्हटले आहे की, खेकड्याचा केलेला वापर हा पूर्वनियोजित असून हे व्हिडिओवरून स्पष्ट दिसते आहे. राजकीय प्रसिद्धीसाठी त्यांनी खेकड्याला दुखवले आहे. हे गैरप्रकार थांबविण्यासाठी रोहित पावर यांच्या विरोधात तक्रार करत असल्याचे अग्रवाल यांनी म्हंटले आहे.

Political stunts at the expense of innocent lives are both cruel and illegal.

PETA India calls out MLA @RRPSpeaks for dangling a tied and struggling crab to make a point during a recent press conference and requests that the crab be handed over to the group for veterinary… pic.twitter.com/IrEXCRqwAu

— PETA India (@PetaIndia) April 5, 2024

प्रचारात प्राण्यांचा वापर करण्यास मनाई

निवडणूक प्रचार करतांना महाराष्ट्र आदर्श आचारसंहितेनुसार प्राण्यांचा वापर करण्यास मनाई करण्यात आली आहे तसे आदेश मुख्य निवडणूक कार्यालयाने २४ मार्च २०२४ रोजी काढला आहे. निवडणूक आयोगाने आदर्श आचासंहितेबाबत केलेली नियमावली तसेच  १९ सप्टेंबर २०१२ रोजी केंद्रीय निवडणूक आयोगाने जारी केलेले परीपत्र या नुसार आमदार रोहित पवार यांनी  प्राणी क्रूरता प्रतिबंधक कायदा १९६० चे उल्लंघन केल्याने त्यांच्यावर कारवाईची  मागणी ‘पेटा इंडिया’ने केली आहे.

In response to PETA India’s appeal in 2012, the Election Commission of India issued an advisory instructing all political parties to refrain from using animals in political campaigns. In 2013, the State Election Commission of Maharashtra prohibited the use of donkeys, bulls,…

— PETA India (@PetaIndia) April 5, 2024

महत्वाच्या बातम्या

• अंबाजोगाई । ’चले जाव,चले जाव’ मराठा विरोधक चले जाव; मुंडें विरोधात घोषणाबाजी
• Explained । भावाची सावली हरवली; बारामतीत सुप्रिया सुळे वहिनीसमोर कशा टिकणार?
• जीएसटीमुक्त शेती, एमएसपीचा कायदा, टोल धोरणाची समिक्षा करणार, गरीब महिलांना वर्षाला १ लाख रुपये