🕒 1 min read
पुणे – T20 World Cup 2026 ची रणधुमाळी सुरू व्हायला आता काहीच दिवस उरलेत. ७ फेब्रुवारीपासून क्रिकेटचा हा महाकुंभ भारत आणि श्रीलंकेत सुरू होतोय. पण त्याआधीच पाकिस्तान क्रिकेट बोर्डाने (PCB) एक नवा ‘सस्पेन्स’ निर्माण केलाय. आयसीसीकडे १५ खेळाडूंची यादी जमा केली खरी, पण ती चाहत्यांपासून लपवून ठेवली आहे. यामुळे क्रिकेट वर्तुळात उलटसुलट चर्चांना उधाण आलंय.
सर्वात मोठा प्रश्न हाच होता की, फॉर्ममध्ये नसलेला बाबर आझम आणि दुखापतग्रस्त शाहीन आफ्रिदी संघात असणार की नाही? तर आता मिळालेल्या ‘लीक’ माहितीनुसार, पाकिस्तानने या दोघांवरही पुन्हा एकदा विश्वास दाखवला आहे. सूत्रांच्या माहितीनुसार, बाबर आझम आणि शाहीन आफ्रिदी यांचं तिकीट कन्फर्म झालं आहे. शाहीन अजूनही पूर्ण फिट नसल्याच्या चर्चा आहेत, पण तरीही त्याला वर्ल्ड कपच्या विमानाचे तिकीट मिळालंय.
संघात एक मोठं कमबॅक झालंय आणि एक मोठा धक्काही बसलाय. मे २०२५ पासून दुखापतीमुळे बाहेर असलेला ऑलराऊंडर शादाब खान संघात परतला आहे. मात्र, दुसरीकडे वेगवान गोलंदाज हॅरिस राऊफ (Haris Rauf) याला वगळल्याच्या जोरदार चर्चा आहेत. जर हॅरिस राऊफ बाहेर असेल, तर हा पाकिस्तानच्या चाहत्यांसाठी मोठा धक्का असू शकतो.
भारत आणि पाकिस्तान हे दोन्ही संघ एकाच गटात आहेत. पण राजकीय तणावामुळे पाकिस्तानचा संघ भारतात येणार नाही. त्यामुळे १५ फेब्रुवारी रोजी होणारा भारत विरुद्ध पाकिस्तान हा ‘हाय व्होल्टेज’ सामना श्रीलंकेतील कोलंबो येथे रंगणार आहे.
Pakistan Squad T20 World Cup 2026
संभाव्य पाकिस्तान संघ : बाबर आझम, शाहीन आफ्रिदी, शादाब खान, फखर जमान, नसीम शाह, मोहम्मद नवाज, फहीम अशरफ, उस्मान खान, मोहम्मद वसीम जुनिअर, सलमान अली आगा, सैम अयुब आणि साहिबजादा फरहान.
📌 महत्वाच्या बातम्या
- “मी उद्धव ठाकरेंसारखा ‘बावळा’ नाही…”; आठवलेंच्या कवितेने वरळीत पिकली खसखस, शिंदेंचाही हल्लाबोल!
- रश्मी शुक्ला निवृत्त होताच काँग्रेसचा हल्लाबोल; फोटो शेअर करत लिहिले, “सत्ताधाऱ्यांचा True Caller…!”
- “राज ठाकरेंचं अस्तित्व संपणार…”; शहाजीबापूंचं ‘ते’ भाकीत आणि उद्धव ठाकरेंवर गंभीर आरोप!
बातम्यांसाठी YouTube चॅनेल Subscribe करा
Subscribe Now
