गेल्या १५ दिवसांपासून रस्त्यावर उतरलेल्या कांदा उत्पादक (Onion Price Agitation) शेतकऱ्यांच्या पदरात सरकारने नक्की काय टाकलंय? सलग दोन जीआर काढूनही बळीराजाचा संताप का थांबत नाहीये? हा प्रश्न आता सर्वांनाच सतावू लागला आहे.
उत्तर आणि पश्चिम महाराष्ट्रात आंदोलनाचा मोठा भडका उडाल्यानंतर, मुख्यमंत्री आणि उपमुख्यमंत्र्यांनी थेट दिल्ली गाठून शेतकऱ्यांच्या व्यथा मांडल्या. त्यानंतर केंद्र सरकारच्या अनुकूल भूमिकेमुळे राज्याने तातडीने दोन शासन निर्णय काढले. कांदा खरेदीत ३ रुपये ४५ पैशांची वाढ करून दर १५.८० रुपये केला, पण तरीही खळबळ काही थांबलेली नाही.
Onion Price Agitation
शासकीय खरेदीतील जाचक अटी शिथिल करून सरकारने दिलासा देण्याचा प्रयत्न केला खरा. पण, शेतकऱ्यांची थेट आणि स्पष्ट मागणी आहे ती २५ रुपये प्रति किलोची. जोपर्यंत बाजार समित्यांमधून थेट २५ रुपये दराने कांदा उचलला जात नाही, तोपर्यंत माघार घेणार नसल्याचा आक्रमक पवित्रा शेतकऱ्यांनी घेतला आहे. त्यामुळे वाढीव दर मिळूनही नाराजीचा सूर कायम आहे.
सूत्रांनी दिलेल्या माहितीनुसार, सरकारने या वाढीव हमीभावाच्या मागणीवर तातडीने तोडगा काढला नाही, तर पुन्हा एकदा उग्र आंदोलन होण्याची दाट शक्यता आहे. दुसरीकडे, विरोधकांनीही याच मुद्द्यावरून सरकारवर जोरदार हल्लाबोल सुरू केला असून राज्यातील राजकारण पुन्हा एकदा कांद्यावरून तापलंय.
दरम्यान, सरकारने नाफेड (NAFED) आणि एनसीसीएफच्या (NCCF) कांदा खरेदीवर बाजार समिती शुल्क माफ करण्याचे आदेश दिले आहेत. पणन संचालनालयाने तसे परिपत्रक काढले असून शासनाचे २ लाख मेट्रिक टन कांदा खरेदीचे मोठे उद्दिष्ट आहे. यात सुमारे ३१६ कोटींची उलाढाल अपेक्षित आहे.
मात्र, या शुल्क माफीमुळे बाजार समित्यांचे तब्बल ३ कोटी १६ लाखांचे संभाव्य नुकसान होणार आहे. आता याच निर्णयाचा आधार घेत व्यापाऱ्यांनीही शुल्क माफीची मागणी लावून धरली आहे. त्यामुळे एकीकडे शेतकरी नाराज, तर दुसरीकडे बाजार समित्या आणि व्यापारीही संभ्रमात अशी विचित्र अवस्था सध्या निर्माण झाली आहे.
📌 महत्वाच्या बातम्या
- जेजुरी गडावरील ‘भंडारा म्हणजे शुद्ध हळद’ म्हणून जाहीर करा; विक्रम पाचपुते यांची तुकाराम मुंढेंकडे मागणी
- “हे अत्यंत लज्जास्पद आहे”, शिल्पा शिंदेवर भडकली हिना खान, टीव्ही इंडस्ट्रीत मोठी खळबळ
- श्रेयस अय्यर होणार नवा कर्णधार? टीम इंडियात मोठा भूकंप, सूर्याची सुट्टी होणार?
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
