🕒 1 min read
मुंबई – राजकारणाच्या सारीपाटावर कधी कोण कोणाला चितपट करेल, हे भल्याभल्या चाणक्यांनाही सांगता येत नाही. काल नेमका असाच काहीसा प्रकार मुंबई महानगरपालिका निवडणुकीच्या निकालात पाहायला मिळाला आहे. संपूर्ण राज्याचं लक्ष लागून राहिलेल्या २९ महानगरपालिकांच्या मतमोजणीत कांदिवलीतून एक अत्यंत धक्कादायक निकाल समोर आला आहे. छोट्या पडद्यावर आपल्या अभिनयाने घराघरात पोहोचलेल्या मराठमोळ्या अभिनेत्री निशा परुळेकर यांनी राजकारणाच्या आखाड्यातही आपण ‘कच्च्या लिंबू’ नसल्याचं सिद्ध केलंय.
Nisha Parulekar BJP Win
कांदिवली आणि ठाकूर व्हिलेजचा समावेश असलेल्या प्रभाग क्रमांक २५ मध्ये आज भाजपने विजयाचा गुलाल उधळला. विशेष म्हणजे, निशा परुळेकर यांनी थेट उद्धव बाळासाहेब ठाकरे पक्षाचे दिग्गज उमेदवार योगेश भोईर यांना पराभवाची धूळ चारली आहे. भोईर हे या भागातील अनुभवी चेहरा मानले जातात, पण निशा यांच्या ‘स्टार पॉवर’ आणि जनसंपर्कासमोर त्यांचा निभाव लागला नाही.
निशा परुळेकर यांना उमेदवारी जाहीर झाली तेव्हा महायुतीमध्ये काही प्रमाणात नाराजीचे सूर होते. “बाहेरच्या सेलिब्रिटीला तिकीट कशाला?” अशी कुजबूज सुरू होती. मात्र, निशा यांनी या विरोधाला न जुमानता थेट मतदारांच्या दारात जाणं पसंत केलं. त्यांनी प्रचारात घेतलेली आघाडी आणि विधानपरिषद आमदार प्रवीण दरेकर यांचं पाठबळ, यामुळे हे समीकरण जुळून आल्याची चर्चा आता रंगली आहे.
दुसरीकडे, ठाकरेंच्या शिवसेनेसाठी हा मोठा धक्का मानला जात आहे. योगेश भोईर यांच्यासारखा तगडा उमेदवार पडल्याने या भागात राजकीय समीकरणं बदलण्याची चिन्हं आहेत. निशा परुळेकर या सोशल मीडियावर प्रचंड ॲक्टिव्ह असतात. त्यांनी आपल्या कामाचा धडाका आणि अभिनयाची लोकप्रियता यांचं योग्य कॉम्बिनेशन करत हा विजय खेचून आणला आहे.
या विजयामुळे आता एका अभिनेत्रीचा थेट कॉर्पोरेटर म्हणून प्रवास सुरू झाला आहे. त्यामुळे येणाऱ्या काळात त्या प्रभागातील प्रश्न कसे सोडवतात, हे पाहणं औत्सुक्याचं ठरणार आहे. सध्या तरी कांदिवलीत फक्त निशा परुळेकर (Nisha Parulekar) यांच्या विजयाचीच चर्चा आहे.
📌 महत्वाच्या बातम्या
- Babar Azam: स्मिथने सिंगल नाकारली अन् बाबरचा पारा चढला; पॅव्हेलियनमध्ये जाताना आदळली बॅट!
- IND vs NZ: ‘तोच जगातील नंबर 1 स्पिनर…’, ८२ धावा देणाऱ्या कुलदीपच्या पाठीशी उभा राहिला ‘हा’ जिगरी दोस्त!
- MPSC Update: एमपीएससीचा मोठा निर्णय! अचानक जागांमध्ये मोठी वाढ; आता ‘इतक्या’ पदांसाठी होणार मेगाभरती
बातम्यांसाठी YouTube चॅनेल Subscribe करा
Subscribe Now
