मुंबई – राजकारणात शेवटच्या चेंडूवर काय होईल हे सांगता येत नाही, याचा प्रत्यय पुन्हा एकदा मुलुंडमध्ये आलाय. भाजपचे फायरब्रँड नेते किरीट सोमय्या (Kirit Somaiya) यांचे पुत्र नील सोमय्या (Neil Somaiya) वॉर्ड क्रमांक १०७ मधून ‘बिनविरोध’ निवडून येणार, अशा वल्गना सुरू झाल्या होत्या. विरोधकाचा अर्ज बाद झाल्याने भाजप गोटात जल्लोष सुरू होता. मात्र, संजय राऊत (Sanjay Raut) यांनी ऐनवेळी असा एक ‘गुगली’ टाकलाय की सोमय्या पिता-पुत्राचं टेन्शन चांगलंच वाढलंय.
Neil Somaiya vs Dinesh Jadhav BMC Election 2026
राष्ट्रवादी (शरद पवार गट) च्या उमेदवाराचा अर्ज बाद झाला असला, तरी तिथे आता शिवसेना ठाकरे गट पुरस्कृत उमेदवार मैदानात उतरला आहे. दिनेश जाधव (Dinesh Jadhav) असं या उमेदवाराचं नाव असून, राऊतांनी त्यांना अधिकृत पाठिंबा जाहीर केला आहे. “मुलुंडचे ‘ना** पोपटलाल’ स्वतःला बिनविरोध समजून नाचत आहेत, पण आता खरी लढाई होणार,” असा सणसणीत टोला राऊतांनी लगावला आहे. दिनेश जाधव यांना ‘मशाल’ चिन्ह मिळालं नसलं, तरी ते ‘दूरदर्शन संच’ या चिन्हावर निवडणूक लढवतील आणि त्यांना ठाकरे गटाची पूर्ण ताकद मिळेल.
किरीट सोमय्यांवर तोफ डागताना राऊत म्हणाले, “किरीट सोमय्या हे महाराष्ट्राचे शत्रू आहेत. त्यांनी मराठी सक्तीला विरोध केला, मराठी उद्योजकांना त्रास दिला. हे भ्रष्टाचारी भाजपमध्ये गेल्यावर यांचं तोंड शिवलं गेलं.” इतकंच नाही तर, जिथे जिथे उमेदवार मागे घेतले गेले, तिथे पैशांचा खेळ झाल्याचा गंभीर आरोपही राऊतांनी केला. “कल्याणमध्ये ५० कोटी, तर इथे ५ कोटी… खोकी आणि पेट्यांचा वापर करून माघार घ्यायला लावली,” असा खळबळजनक दावा राऊतांनी केला आहे.
आता मुलुंडच्या १०७ वॉर्डात ‘बिनविरोध’चा फुगा फुटला असून, नील सोमय्या विरुद्ध दिनेश जाधव असा ‘काटे की टक्कर’ होणार हे निश्चित झालंय. त्यामुळे सोमय्यांच्या बालेकिल्ल्यात राऊतांचा हा डाव किती यशस्वी ठरतो, हे पाहणं रंजक ठरेल.
📌 महत्वाच्या बातम्या
- अनिल परबांच्या ‘खास’ माणसाचा पत्ता कट; ठाकरेंचा मोठा ॲक्शन प्लॅन, २६ बंडखोरांची हकालपट्टी!
- बायोडाटाचा पाऊस अन् आई खुश; मुलींच्या मेसेजने प्रणित मोरे ‘वैतागला’, म्हणाला “मी कामाच्या ठिकाणी…”
- डोळ्यात मिरची पूड, कोयत्याचे सपासप वार…; मनसे नेत्याचा थरारक खून, भाजपच्या ‘बिनविरोध’ पॅटर्नवर रक्ताचा डाग?
बातम्यांसाठी YouTube चॅनेल Subscribe करा
Subscribe Now
