ज्येष्ठ अभिनेते नाना पाटेकर यांचे गोव्यात निधन; पाच दशकांचा मित्र गमावल्याने अमोल पालेकर भावुक

ज्येष्ठ अभिनेते नाना पाटेकर यांचे गोव्यात हृदयविकाराच्या झटक्याने निधन झाले. त्यांच्या निधनानंतर अमोल पालेकर भावुक झाले असून त्यांनी पाच दशकांच्या मैत्रीच्या आठवणींना उजाळा दिला.

Published On: 

Veteran actor Nana Patekar and Amol Palekar

प्रतिनिधी, 8 ऑक्टोबर: ज्येष्ठ अभिनेते नाना पाटेकर यांचे गुरुवारी सकाळी गोव्यातील राहत्या घरी वयाच्या ७५ व्या वर्षी हृदयविकाराच्या तीव्र झटक्याने निधन झाले. त्यांच्या या आकस्मिक निधनाची बातमी समजताच संपूर्ण चित्रपटसृष्टीत मोठी शोककळा पसरली आहे. नाना यांच्या जाण्यामुळे त्यांचे अत्यंत जवळचे मित्र असलेले ज्येष्ठ अभिनेते आणि दिग्दर्शक अमोल पालेकर यांना मोठा धक्का बसला आहे.

नाना पाटेकर यांच्या निधनामुळे सुन्न झालेल्या अमोल पालेकर यांना स्वतःला सावरणे कठीण जात असून त्यांनी अश्रू ढाळत शोक व्यक्त केला. निधनाच्या अवघ्या दीड दिवसापूर्वीच नानांनी पालेकर यांना फोन केला होता. अमोल पालेकर यांच्या नव्या नाटकाच्या प्रयोगाला उपस्थित राहू न शकल्याची खंत व्यक्त करत, “मी पुढच्या प्रयोगाला नक्की हजर राहीन,” असे आश्वासन नानांनी त्यावेळी फोनवर दिले होते, अशी आठवण पालेकर यांनी सांगितली.

आपल्या मैत्रीच्या जुन्या आठवणींना उजाळा देताना अमोल पालेकर म्हणाले की, नाना नेहमी फोनवरील संभाषणाची सुरुवात “राम राम” म्हणून करत आणि फोन ठेवताना “लांबूनच पाया पडतो,” असे म्हणत असत. पालेकर यांनी नानांचा अभिनय पहिल्यांदा ‘पाहिजे जातीचे’ या नाटकात पाहिला होता. रवींद्र नाट्य मंदिराच्या पायऱ्यांवर बसून मारलेल्या गप्पांच्या आठवणी आजही आपल्या मनात जिवंत असल्याचे पालेकर म्हणाले. ‘थोडासा रूमानी हो जायें’ या चित्रपटातील भूमिकेसाठी नानांनी आपल्याशी हक्काने वाद घालून तो रोल मिळवला होता, ही आठवणही त्यांनी भावुक होत सांगितली.

नाना पाटेकर यांनी आपल्या चार दशकांहून अधिक काळाच्या कारकिर्दीत ‘परिंदा’, ‘क्रांतिवीर’, ‘अग्निसाक्षी’ आणि ‘नटसम्राट’ यांसारख्या अनेक गाजलेल्या चित्रपटांमधून प्रेक्षकांचे मनोरंजन केले. चित्रपटसृष्टीतील त्यांच्या या अतुलनीय योगदानाबद्दल त्यांना ‘पद्मश्री’ पुरस्काराने सन्मानित करण्यात आले होते.

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही