प्रतिनिधी, 14 ऑक्टोबर: ज्येष्ठ अभिनेते नाना पाटेकर यांच्या स्मृतींना उजाळा देण्यासाठी रवींद्र नाट्यमंदिर येथे ‘आठवणीतले नाना’ या आदरांजली सभेचे आयोजन करण्यात आले होते. या सभेमध्ये मंत्री आशिष शेलार यांनी नानांच्या व्यक्तिमत्त्वाचे विविध पैलू उलगडले. यावेळी त्यांनी नाना पाटेकर यांना लोकसभेची निवडणूक लढवण्याची ऑफर दिली होती, असा महत्त्वपूर्ण खुलासा केला.
या प्रस्तावावर चर्चा करण्यासाठी नाना पाटेकर यांनी देवेंद्र फडणवीस आणि आशिष शेलार यांची भेट घेतली होती. नानांचा स्वभाव अत्यंत स्पष्टवक्ता असल्याने ते मनात असेल ते थेट बोलून दाखवायचे. याच भेटीत नानांनी आपल्या खास शैलीत, ‘मी तुम्हाला पचणार नाही,’ असे स्पष्ट उत्तर दिल्याची आठवण शेलार यांनी सांगितली.
नाना पाटेकर यांच्यासोबत झालेल्या अलीकडच्या संवादाची माहिती देताना शेलार म्हणाले की, ६ ऑक्टोबर रोजी नानांनी ‘माझा उपयोग करा रे’ असे म्हटले होते. या शब्दांतून त्यांची समाजासाठी काम करण्याची तळमळ दिसून येत होती. त्यानंतर शेलार यांनी फोनवरून विचारणा केली असता, आपण ९ ऑक्टोबरला मुंबईत येणार असल्याचे नानांनी सांगितले होते.
बाप्पानिमित्त नाना पाटेकर यांना प्रमाणपत्र द्यायचे असल्याने ९ ऑक्टोबर रोजी एका कार्यक्रमाचे नियोजन करण्यात आले होते. मात्र, त्यापूर्वीच ८ ऑक्टोबरला नाना पाटेकर आपल्यातून निघून गेले आणि नियोजित भेट होऊ शकली नाही, असा प्रसंग शेलार यांनी विषद केला.
नानांचे मोकळेपण आणि संवादाची शैली सांगताना शेलार यांनी आणखी एक प्रसंग सांगितला. नाना कधी रागात बोलायचे, तर कधी थेट भूमिका मांडायचे, पण मनाने ते वेगळे होते. एका शोकसभेदरम्यान नानांनी आपल्याला, ‘तू जास्तच बोलला रे,’ असे म्हटले होते, यातून त्यांच्या मोकळ्या आणि मिश्किल स्वभावाची ओळख होते, असे शेलार यांनी नमूद केले.
📌 महत्वाच्या बातम्या
- सुनेत्रा पवारांच्या भाषणावेळी फडणवीस-जयंत पाटलांची चर्चा; शरद पवारांसमोरच रंगल्या गप्पा
- तुकाराम मुंढे भावूक! नाना पाटेकरांची शेवटची आठवण सांगताना म्हणाले, “तो फोन आला अन्…”
- एकनाथ शिंदे नाराज असल्याच्या चर्चांवर देवेंद्र फडणवीसांची मिश्कील प्रतिक्रिया; पुण्यासाठीही केली मोठी घोषणा
Quick Answers
ज्येष्ठ अभिनेते नाना पाटेकर यांच्या स्मृतींना उजाळा देण्यासाठी रवींद्र नाट्यमंदिर येथे ‘आठवणीतले नाना’ या आदरांजली सभेचे आयोजन करण्यात आले होते.
लोकसभेच्या ऑफरवर देवेंद्र फडणवीस आणि आशिष शेलार यांच्यासोबत झालेल्या भेटीत नाना पाटेकर यांनी, ‘मी तुम्हाला पचणार नाही,’ असे स्पष्ट उत्तर दिले होते.
आशिष शेलार यांनी दिलेल्या माहितीनुसार, नाना पाटेकर यांचे निधन ८ ऑक्टोबरला झाले.
६ ऑक्टोबर रोजी नाना पाटेकर यांनी ‘माझा उपयोग करा रे’ असे म्हटले होते, ज्यातून त्यांची समाजासाठी काम करण्याची तळमळ दिसून येत होती.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
