इम्फाळ, 12 ऑक्टोबर: मणिपूरमध्ये पुन्हा एकदा हिंसक घटनांना (Manipur Violence) सुरुवात झाली असून, कामेंग आणि उखरुड जिल्ह्यांमध्ये सशस्त्र गटांमध्ये झालेल्या भीषण गोळीबारात तीन जणांचा मृत्यू झाला आहे. कुकीबहुल जिल्ह्यातील कामजोंग येथील नागा-बहुभूमिक चासाद गावात झालेल्या संघर्षात एका महिलेसह एका तरुणाला जीव गमवावा लागला आहे.
शुक्रवारी रात्री उशिरा चासाद गावात झालेल्या गोळीबारात एका ४२ वर्षीय महिलेच्या मानेला गोळी लागल्याने तिचा जागीच मृत्यू झाला. मृत महिला पाच मुलांची आई असल्याचे सांगण्यात आले आहे. या घटनेनंतर कुकी आणि नागा सशस्त्र गटांमध्ये उडालेली चकमक शनिवारी सकाळपर्यंत सुरू होती. याच संघर्षात एका २२ वर्षीय तरुणाचाही मृत्यू झाला असून, परिसरातील १० घरे पेटवून देण्यात आली आहेत.
पुढील हिंसाचार टाळण्यासाठी प्रशासनाने चासाद पोलीस गेट जंक्शनच्या ४०० मीटर परिसरात भारतीय नागरिक सुरक्षा संहितेच्या कलम १६२ नुसार जमावबंदी आदेश लागू केले आहेत. दुसरीकडे, उखरुड जिल्ह्यात संशयित दहशतवाद्यांनी संदीप राय (वय ४०) यांच्या गाडीवर अचानक गोळीबार केला, ज्यात त्यांचा जागीच मृत्यू झाला. याशिवाय कांगपोकपी जिल्ह्यातील मकुई अशांग आणि तापोन येथेही सशस्त्र गटांमध्ये जोरदार धुमश्चक्री झाल्याचे वृत्त आहे.
दरम्यान, १० ऑक्टोबर २०२६ रोजी ‘फर्स्ट पोस्ट’च्या (@TrishulTactics) नावाने करण्यात आलेल्या एका ट्विटमध्ये टोंगन-टोंगानबा माफम येथे गोळीबार झाल्याचा दावा करण्यात आला आहे. या घटनेत ६ नागा, ३ कुकी आणि एका नेपाळी व्यक्तीसह १० जण मारले गेल्याचे, तर ३ नागा बेपत्ता असल्याचे या ट्विटमध्ये म्हटले आहे. मणिपूरमध्ये यंदा फेब्रुवारीपासून कुकी आणि नागा समुदायांमध्ये सुरू असलेल्या या संघर्षात आतापर्यंत ४० हून अधिक जणांचा बळी गेला असून, डझनभर घरे खाक झाली आहेत.
📌 महत्वाच्या बातम्या
- अमरावती हादरलं! आई खोटं बोलत असल्याच्या संतापातून इंजिनिअर मुलाने घेतला जन्मदातीचा बळी
- इंडिया ‘अ’ चा ऑस्ट्रेलियावर ४९ धावांनी दणदणीत विजय, मुंबईकर सुर्यांश शेडगेची दमदार खेळी
- सरन्यायाधीश सूर्यकांत यांनी फेटाळली इंडिया आघाडीची भेटीची विनंती; विरोधकांचा सुप्रीम कोर्टावर मोर्चा धडकणार
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
