Ishan Kishan: विश्वचषकाच्या फायनलमध्ये एकीकडे संजू सॅमसन शतकाच्या जवळ पोहोचून बाद झाला, तर दुसरीकडे मैदानावर दुसरं वादळ घोंघावत होतं, ते म्हणजे ईशान किशन! अहमदाबादच्या नरेंद्र मोदी स्टेडियमवर आज टीम इंडियाच्या फलंदाजांनी न्यूझीलंडच्या गोलंदाजांचा अक्षरशः बाजार उठवला आहे.
अभिषेक शर्मा आणि संजू सॅमसनच्या स्फोटक खेळीनंतर, तिसऱ्या क्रमांकावर फलंदाजीला आलेल्या ईशान किशननेही किवी गोलंदाजांची चांगलीच धुलाई सुरू ठेवली आहे. दव फॅक्टरची भीती न बाळगता त्याने सुरुवातीपासूनच आक्रमक पवित्रा घेतला.
ईशानने फायनलच्या दबावाला झुगारून देत अवघ्या २४ चेंडूंत नाबाद ५४ धावांची वादळी खेळी केली आहे. या स्फोटक डावात त्याने ४ खणखणीत चौकार आणि ४ गगनभेदी षटकार ठोकले आहेत. त्याचा स्ट्राईक रेट थेट २२५.०० इतका भयंकर आहे!
एका बाजूने संजू सॅमसन ४६ चेंडूंत ८९ धावांवर बाद होऊन तंबूत परतला. पण त्यामुळे ईशानच्या आक्रमकतेवर कोणताही फरक पडला नाही. या दोघांच्या तुफानी फटकेबाजीच्या जोरावर टीम इंडियाने १५.१ षटकांनंतरच २ बाद २०३ धावांचा प्रचंड डोंगर उभा केला आहे. सध्या भारताचा रनरेट १३.४ इतका जबरदस्त आहे.
न्यूझीलंडचा कर्णधार मिचेल सँटनरने टॉस जिंकून दव फॅक्टरच्या फायद्यासाठी गोलंदाजी निवडली होती. पण आता ईशानच्या या तुफानी फटकेबाजीमुळे किवी गोलंदाजांना कुठे चेंडू टाकावा हेच समजेनासे झाले आहे. आता उरलेल्या षटकांत ईशान किशन किती धावांचा पाऊस पाडतो आणि टीम इंडिया न्यूझीलंडसमोर किती अवाढव्य टार्गेट ठेवते, याकडे सर्वांचे लक्ष लागले आहे.
📌 महत्वाच्या बातम्या
- Sanju Samson: फायनलमध्ये संजू सॅमसनचे रौद्ररूप! शतकापासून अवघ्या १२ पावले दूर, न्यूझीलंडच्या गोलंदाजांचा उडाला थरकाप
- Sanju Samson: संजू सॅमसनचा फायनलमध्ये धमाका! झंझावाती अर्धशतक ठोकत न्यूझीलंडच्या गोलंदाजांची काढली पिसं
- IND vs NZ Final: अभिषेक शर्माचे वादळी अर्धशतक अन् टीम इंडियाचे शतक पार! न्यूझीलंडच्या गोलंदाजांची उडाली झोप
