“अजित पवार पैसे देत नाहीत, मग कामं कशी करायची?” – शिंदे गटात नाराजीचा उद्रेक!

मुंबई | उपमुख्यमंत्री एकनाथ शिंदे यांनी सह्याद्री अतिथीगृहात शिवसेना शिंदे गटाच्या मंत्र्यांची आज महत्वाची बैठक घेतली. या बैठकीत शिंदे यांनी प्रत्येक मंत्र्याशी ‘वन टू वन’ चर्चा केली. मंत्रालयीन कामकाजाचा आढावा घेताना, सर्वच मंत्र्यांनी अर्थमंत्री अजित पवार यांच्या भूमिकेबाबत नाराजी व्यक्त केली.

“पैसेच मिळत नाहीत, मग आम्ही काय करणार?” शिंदे गटाच्या सगळ्याच मंत्र्यांनी अजित पवार यांच्या विरोधात सूर लगावला होता. निधी पोहोचत नाहीये, मग कामं कशी करायची? अजित पवार आमच्या विकास कामांवर खोडा घालत आहेत”, असा आरोप मंत्र्यांनी थेट एकनाथ शिंदे यांच्यासमोर केला. निधी न मिळाल्यामुळे अनेक विकासकामे रखडली आहेत, असंही त्यांनी सांगितलं.

Eknath Shinde Ministers Angry at Ajit Pawar Over Funds

मंत्र्यांच्या तक्रारी ऐकून उपमुख्यमंत्री एकनाथ शिंदे यांनी मंत्र्यांना सांगितलं की, “मी स्वतः अजित पवार आणि मुख्यमंत्री देवेंद्र फडणवीस यांच्याशी बोलून मार्ग काढतो.” यावेळी एकनाथ शिंदे यांनी मंत्र्यांना बजावलं की, फाइल्स पेंडिंग ठेवू नका, कामं वेळेत पूर्ण करा, सामान्य लोकांशी संपर्क ठेवण्याचा सल्ला दिला आहे.

📌 महत्वाच्या बातम्या

• “शरद पवार म्हणजे महाराष्ट्राला लागलेला कोरोना” म्हणणाऱ्या पडळकरांना कोर्टाचा मोठा दिलासा!
• हगवणे प्रकरणात नवे धक्कादायक खुलासे! सुषमा अंधारेंकडून जालिंदर सुपेकरांनवर गंभीर आरोप
• iPhone 17 मध्ये काय असू शकते खास? जाणून घ्या डिटेल्स