दीपाली सय्यद यांना थेट धमक्या, सुशांत शेलार संतापले… चित्रपटावरून का उडाली खळबळ?

🕒 1 min read

भोंदू बाबाचे काळे धंदे, त्यावर येणारा एक वादग्रस्त सिनेमा आणि आता थेट अभिनेत्रीलाच येणाऱ्या धमक्या… एका चित्रपटामुळे महाराष्ट्राचं राजकारण इतकं का तापलंय? नाशिकमधील प्रसिद्ध भोंदू अशोक खरात याच्या लैंगिक अत्याचार प्रकरणावर आधारित एका सिनेमाची सध्या जोरदार चर्चा आहे.

पण याच सिनेमावरून आता अभिनेत्री दीपाली सय्यद (Dipali Sayyad) यांना थेट धमक्यांचे फोन येऊ लागल्याने एकच खळबळ उडाली आहे. दिग्दर्शक स्वरूप सावंत हे खरात प्रकरणावर ‘महाराष्ट्र एपस्टीन फाईल्स’ नावाचा सिनेमा घेऊन येत आहेत.

Dipali Sayyad Movie 

या चित्रपटात दीपाली सय्यद एका महिला नेत्याची, विशेषतः रुपाली चाकणकर यांची भूमिका साकारणार असल्याच्या चर्चांना उधाण आलंय. याच भूमिकेवरून त्यांच्यावर आता राजकीय दबाव टाकला जात असून, सिनेमात काम केल्यास राजकीय करिअर उद्ध्वस्त करू, अशा धमक्या काही महिला नेत्यांकडून येत असल्याचा मोठा गौप्यस्फोट खुद्द दीपाली यांनीच केला आहे.

या संपूर्ण प्रकारानंतर शिवसेना चित्रपट सेनेचे अध्यक्ष सुशांत शेलार (Sushant Shelar) दीपाली सय्यद यांच्या पाठीशी भक्कमपणे उभे राहिले आहेत. “कोणत्याही कलाकाराला अशी धमकी देणं अत्यंत चुकीचं आहे. विरोधकांनी २० पैसे पर कमेंट देणारी लोकं बसवून ठेवली आहेत,” असा थेट आरोप करत शेलार यांनी विरोधकांवर हल्लाबोल केला. दीपाली ताई अशा धमक्यांना भीक घालणार नाहीत आणि त्यांना हवी ती भूमिका साकारण्याचं अभिव्यक्ती स्वातंत्र्य आहे, असंही त्यांनी ठणकावून सांगितलं.

दुसरीकडे, दीपाली सय्यद यांनीही या प्रेशरला न घाबरण्याचा निर्णय घेतला आहे. सूत्रांनी दिलेल्या माहितीनुसार, त्या लवकरच मुख्यमंत्री एकनाथ शिंदे आणि खासदार श्रीकांत शिंदे यांची भेट घेणार असून, हे फोन नेमके कोणाचे होते, याचा थेट पर्दाफाश करणार आहेत.

“मी कलाकार आहे, कोणाचीही परवानगी घेऊन काम करत नाही,” असं सडेतोड उत्तर त्यांनी दिलं आहे. येत्या २ ऑक्टोबरला हा सिनेमा प्रेक्षकांच्या भेटीला येणार असून पुढच्या महिन्यात शूटिंग सुरू होणार आहे.

अशोक खरात नेमका कसा भोंदूगिरी करायचा, भक्तांना प्यायला काय द्यायचा आणि लोकांच्या अंधश्रद्धेचा कसा गैरफायदा घ्यायचा, हे यातून समोर येईल. आपण नक्की कोणती भूमिका साकारणार, हे दीपाली यांनी सध्या गुपित ठेवलं असलं तरी, या सिनेमामुळे अनेक बड्या धेंडांचे मुखवटे गळून पडणार असल्याची दाट शक्यता आहे.

📌 महत्वाच्या बातम्या

• “बयो, डान्स करण्यापूर्वी घरातील…..”, श्रद्धा कपूरचा ‘तो’ डान्स व्हिडीओ व्हायरल; चाहत्यांची नजर भलतीकडेच…नेमकं काय घडलं?
• अमेरिकेने इराणवर केलेले हल्ले ठरले निमित्त, सोन्या-चांदीच्या किमतीत अचानक झाली मोठी घसरण!
• वैभव सूर्यवंशीच्या वादळी खेळीने सचिन तेंडुलकरही थक्क, १५ वर्षांच्या पोराने मोडता मोडता सोडला ख्रिस गेलचा विक्रम!

📈 लोकप्रिय बातम्या

राज्य निवडणूक आयोगाचा मोठा निर्णय; राज्यातील १५,६३६ ग्रामपंचायतींमध्ये राजकीय भूकंप होणार?

उदय सामंत यांच्या पत्नीची मोठी माघार; निवडणुकीत अचानक ‘हा’ मोठा ट्विस्ट!

छगन भुजबळांचा मोठा गौप्यस्फोट, राष्ट्रवादीच्या बैठकीत स्वबळाचा नारा अन् धक्कादायक माहिती!