नवी दिल्ली, 10 ऑक्टोबर: मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी पुकारण्यात आलेल्या आंदोलनात सहभागी होण्यासाठी दिल्लीत पोहोचलेल्या कॉकरोच जनता पार्टीच्या (सीजेपी) नेत्यांना पोलिसांनी ताब्यात घेतले आहे. दरम्यान, सीजेपीचे नेते अभिजीत दीपके (Abhijeet Dipke) यांना ताब्यात घेतल्यानंतर त्यांच्या आजीचे निधन झाल्याची बातमी आली. यानंतर, पोलिसांच्या ताब्यातच राहायचे की आजीच्या अंत्यसंस्काराला जायचे, याचा निर्णय घेण्याचा पर्याय दिल्ली पोलिसांनी दीपके यांच्यासमोर ठेवला आहे.
मिळालेल्या माहितीनुसार, अभिजीत दीपके यांच्या ८५ वर्षीय आजी सावित्रीबाई शंकरराव दीपके या गेल्या महिनाभरापासून आजारी होत्या. त्यांच्यावर हिंगोलीत उपचार सुरू असताना आज सकाळी साडेअकराच्या सुमारास संतूक पिंपरी गावात त्यांचे निधन झाले. एएनआय या वृत्तसंस्थेने सूत्रांच्या हवाल्याने दिलेल्या वृत्तानुसार, दिल्ली पोलिसांनी दीपके यांना आजीच्या निधनाची माहिती दिली आणि अंत्यसंस्कारासाठी गावी जाण्याची किंवा दिल्लीत पोलिसांच्या ताब्यात आंदोलन सुरू ठेवण्याची निवड त्यांना स्वतः करायला सांगितली.
‘एसआयआर’मधील अनियमिततेचा आरोप करत सीजेपीने ‘जंतरमंतर २.०’ ची हाक दिली होती. मात्र, पोलिसांनी या आंदोलनाला परवानगी नाकारली. मुंबईहून विमानाने दिल्ली विमानतळावर दाखल होताच अभिजीत दीपके यांच्यासह सौरव दास आणि आशुतोष रांका यांना पोलिसांनी ताब्यात घेतले. आपल्या अटकेनंतर आता सीजेपीचे नेतृत्व अजिंक्य शिंदे करणार असल्याची घोषणा दीपके यांनी केली आहे. दिल्लीबरोबरच मुंबई आणि पुण्यातही आंदोलक रस्त्यावर उतरले आहेत.
या आंदोलनाच्या पार्श्वभूमीवर राजधानीत कडक सुरक्षा व्यवस्था तैनात करण्यात आली आहे. ३० हजारांहून अधिक पोलीस आणि निमलष्करी दलाचे जवान तैनात असून, २० डिटेन्शन सेंटर्स उभारण्यात आली आहेत. तसेच, खबरदारीचा उपाय म्हणून दिल्लीकडे येणाऱ्या अनेक रेल्वे गाड्या रद्द करण्यात आल्या आहेत. दिल्लीतील ४५ मेट्रो स्थानके बंद करण्यात आली असून, मध्य दिल्लीतील कर्तव्यपथ आणि जनपथ परिसरातील ४ किलोमीटर परिघात २४ तासांसाठी इंटरनेट सेवाही खंडित करण्यात आली आहे.
📌 महत्वाच्या बातम्या
- करमाळ्यात दुष्काळसदृश स्थितीला कंटाळून शेतकऱ्याची आत्महत्या; खिशात सापडलेल्या चिठ्ठीत मांडली व्यथा
- ‘नॅशनल क्रश’ गिरीजा ओकसोबतचा फोटो शेअर करत मिलिंद गवळींनी व्यक्त केली मोठी खंत
- २४ वर्षांनंतरही ‘पार्टी एंथम’ आहे शाहरुख खानचे हे कल्ट गाणे, नाना पाटेकर यांच्या चित्रपटाने केली होती निराशा
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
