🕒 1 min read
मुंबईची हवा सध्या इतकी विषारी झालीये की मोकळा श्वास घेणंही कठीण झालंय, याचाच प्रत्यय आता थेट बॉलिवूडच्या ‘मस्तानी’ला आलाय. नुकतीच एका गोंडस मुलीची आई झालेली दीपिका पादुकोण सध्या एका अत्यंत गंभीर मुद्द्यावरून चर्चेत आली आहे.
मुलीच्या जन्मानंतर आठ तासांच्या शिफ्टची मागणी केल्याने दीपिकाला नुकतंच ट्रोलिंगचा सामना करावा लागला होता. काही सिनेमांमधून तिला डच्चू मिळाल्याचीही चर्चा रंगली होती. पण कोणत्याही वादाची पर्वा न करता तिने आता थेट मुंबईतील वाढत्या प्रदूषणाच्या मुद्द्यावर प्रशासनाला जाब विचारला आहे.
Deepika Padukone Post
गुरुवारी मुंबईचा हवा गुणवत्ता निर्देशांक (AQI) १५० च्या पार गेल्याचं समोर आलं. हा आकडा आरोग्यासाठी अत्यंत धोकादायक मानला जातो. याच वाढत्या समस्येवर बोट ठेवत दीपिकाने आपल्या इन्स्टाग्रामवर एक स्टोरी शेअर केली असून थेट मुंबई महानगरपालिकेला (BMC) टॅग केलं आहे.
हवेच्या खराब गुणवत्तेचा स्क्रीनशॉट शेअर करत दीपिकाने आपला संताप व्यक्त केलाय. “मुंबईत राहणारे लोक आणि विशेषतः लहान मुलं या प्रदूषित हवेमुळे गुदमरतायत. हे कसं योग्य असू शकतं?” असा परखड सवाल तिने उपस्थित केला आहे. तिच्या या रोखठोक भूमिकेमुळे सोशल मीडियावर मोठी खळबळ उडाली असून प्रशासनाने तात्काळ कारवाई करावी, अशी मागणी तिने केली आहे.
याआधी रिचा चढ्ढा आणि सयामी खेर यांनीही याच मुद्द्यावर आवाज उठवला होता. सध्या Deepika Padukone Concern Over Mumbai Air Quality हा विषय इंटरनेटवर चांगलाच तापला आहे. दीपिकाच्या कामाबद्दल सांगायचं तर, ती लवकरच शाहरुख खानसोबत ‘किंग’ (King) सिनेमात आणि दिग्दर्शक ॲटलीच्या आगामी तेलुगू ॲक्शन चित्रपटात अल्लू अर्जुनसोबत दिसणार आहे.
📌 महत्वाच्या बातम्या
- काव्या मारनने पाकिस्तानी खेळाडूवर उधळले कोट्यवधी; BCCI ची पहिली प्रतिक्रिया, म्हणाले…..
- सोने-चांदीच्या दरात अचानक उलथापालथ; १० ग्रॅमची किंमत पाहून थक्क व्हाल!
- पुणेकरांनो घाबरू नका! गॅसच्या रांगा लावण्यापूर्वी जिल्हाधिकाऱ्यांचा हा मोठा निर्णय नक्की वाचा…
बातम्यांसाठी YouTube चॅनेल Subscribe करा
Subscribe Now
