Anil Parab । दिशा सालियान प्रकरणाचे (Disha Salian case) आज अधिवेशनात पडसाद उमटले. याच प्रकरणावरून सत्ताधारी आणि विरोधक आमनेसामने आले. यामुळे राजकीय वातावरण चिघळले आहे. पाच वर्षांनंतर दिशा सालियनच्या (Disha Salian) कुटुंबीयांनी कोर्टात धाव घेतल्याने आमदार आदित्य ठाकरे यांची डोकेदुखी वाढू शकते.
याप्रकरणी राजकीय वर्तुळातून विविध प्रतिक्रिया येत आहेत. “भाजप नेते किरीट सोमय्या (Kirit Somaiya) यांची बायको आत्महत्या करायला चालली होती. त्याचा व्हिडीओ दिला त्याची चौकशी होत नाही आणि आदित्य ठाकरेंची चौकशी करता?,” असा सवाल ठाकरे गटाचे आमदार अनिल परब यांनी उपस्थित केला.
तसेच त्यांनी भाजपाच्या महिला प्रदेशाध्यक्ष चित्रा वाघ या सरड्याप्रमाणे रंग बदलतात, अशी टीका केली. यावरून चित्रा वाघ यांनी त्यांच्यावर निशाणा साधला आहे. “तुम्ही असाल पोपट पंडित, माझ्या कुटुंबाने दोन वर्ष सहन केले. तुमच्यासारखे 56 परब पायाला बांधून फिरते,” असा घणाघात चित्रा वाघ यांनी केला आहे.
“संजय राठोड प्रकरणात मी लढतच होती, मी लढाई लढली आहे. पण कोणी क्लिनचिट दिली, जे समोर आले त्यावर मी माझी भूमिका मांडली आहे. आम्हाला हलक्यात घेऊ नका. कारण आम्ही बोलायला लागलो तर समोरच्या सीट खाली होतील,” असे चित्रा वाघ यांनी स्पष्ट केले.
Chitra Wagh on Anil Parab
पुढे त्या म्हणाल्या की, “एसआयटी रिपोर्ट येऊ द्या, बोललो तर यांची ही हालत आहे. मुद्द्यांवर बोला, कुटुंबावर येऊ नका. आमचा नवरा आणि मुलगा काय करतो? त्यावर काय येता?”, असा टोला चित्रा वाघ यांनी अनिल परब यांना लगावला आहे.
महत्त्वाच्या बातम्या :
- “मुलाला वाचवण्यासाठी उद्धव ठाकरेंनी….”; Nitesh Rane यांचा मोठा खुलासा
- सालियान यांच्या वकिलांचा मोठा गौप्यस्फोट, म्हणाले; “दिशाच्या फ्लॅटवर Aditya Thackeray …”
- “पाच वर्ष बदनामीचा…”; दिशा सालियन प्रकरणावरून Aditya Thackeray यांचा आरोप
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
