‘बिग बॉस’च्या घरात कधी काय घडेल, याचा काहीच नेम नाही. पण जेव्हा विषय ‘टास्क’ आणि ‘शिस्ती’चा असतो, तेव्हा होस्ट रितेश देशमुख कोणाचीही गय करत नाही, हे पुन्हा एकदा सिद्ध झालंय. सध्या बिग बॉस मराठी ६ (Bigg Boss Marathi 6) च्या घरात सोनाली राऊतच्या वागणुकीवरून चांगलंच रान पेटलं असून, रितेशने तिला थेट शब्दांत समज दिली आहे.
Bigg Boss Marathi 6
कॅप्टन्सीसाठी देण्यात आलेल्या ‘शेणाचं दार आणि मेणाचं दार’ या टास्कमध्ये सोनाली राऊतने सहभागी होण्यास चक्क नकार दिला. तिचा हा ॲटीट्यूड पाहून प्रेक्षकही अवाक झाले होते. हा नियमभंग असल्याने बिग बॉसने तिला शिक्षा म्हणून पुढील आठवड्यासाठी नॉमिनेट केलंच, पण वीकेंडच्या ‘भाऊच्या धक्क्या’वर रितेशचा राग अनावर झाला.
रितेशने सोनालीला उभं करत सडेतोड जाब विचारला, “तुम्ही जर टास्कच खेळणार नसाल, तर इथे कशाला आलात?” सोनालीने जेव्हा आपली बाजू मांडण्याचा प्रयत्न केला, तेव्हा रितेशने तिला मध्येच थांबवत स्पष्ट शब्दांत सुनावलं. “हा ॲटीट्यूड तुमच्या घरी ठेवायचा, या घरात चालणार नाही.”
एवढंच नाही तर, रितेशने तिला फायनल वॉर्निंग देत म्हटलं की, “यावेळी फक्त नॉमिनेशन दिलंय, पण पुढच्या वेळी थेट बाहेरचा रस्ता दाखवू.” रितेशच्या या रौद्र अवतारामुळे सोनालीच्या चेहऱ्यावरचा रंगच उडाला होता. आता या कडक इशाऱ्यानंतर सोनालीच्या वागण्यात बदल होतो का, हे पाहणं महत्त्वाचं ठरणार आहे.
📌 महत्वाच्या बातम्या
- लग्नाच्या दिवशी हॉटेलमध्ये राडा, टीम इंडियाच्या पोरींनी पलाशला धुतलं? वकिलांनी मागितला थेट ‘पुरावा’!
- Border 2 : 27 वर्षांनंतर सनी पाजींचा ‘धुरळा’! पहिल्याच दिवशी ‘धुरंधर’ला आपटलं
- हार्दिकचा पारा चढला! भर मैदानात मुरली कार्तिकसोबत कडाक्याचं भांडण? प्रेक्षक पाहतच राहिले
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
