प्रतिनिधी, 15 ऑक्टोबर: आजकालच्या वाढत्या घटस्फोटांच्या प्रमाणावर आणि नातेसंबंधांवर मराठी अभिनेते आनंद काळे यांनी चिंता व्यक्त केली आहे. सोशल मीडियावर एक व्हिडिओ शेअर करत त्यांनी एका जोडप्याचा धक्कादायक किस्सा सांगत आजच्या पिढीच्या रिलेशनशिप्सबाबत खंत व्यक्त केली.
या व्हिडिओमध्ये बोलताना काळे यांनी त्यांच्या पटवर्धन नावाच्या मित्राच्या मुलीचे उदाहरण दिले. ही मुलगी तब्बल ६ वर्षे तिच्या मित्रासोबत लिव्ह-इन रिलेशनशिपमध्ये राहत होती. ही बाब समजल्यानंतर मित्राला साहजिकच धक्का बसला, मात्र तरीही त्याने या दोघांच्या लग्नाला परवानगी देत त्यांचे लग्न लावून दिले.
लग्नानंतर घडलेल्या प्रकाराबद्दल सांगताना आनंद काळे म्हणाले की, "अवघ्या ३ ते साडेतीन महिन्यांतच त्यांनी घटस्फोटासाठी अर्ज दाखल केला. मी सहसा असे बोलत नाही, पण यामुळे मला अस्वस्थ वाटत आहे. ६ वर्षे तुम्ही लिव्ह-इनमध्ये राहता आणि लग्नानंतर लगेचच घटस्फोटासाठी अर्ज करता, यावर काय बोलावे हेच मला समजत नाहीये."
आनंद यांच्या या इन्स्टाग्राम व्हिडिओवर नेटकऱ्यांनीही संतप्त प्रतिक्रिया दिल्या आहेत. एका युजरने आजच्या पिढीला जबाबदारी नको असल्याचे म्हणत, लिव्ह-इनची तुलना विवाहसंस्थेशी होऊ शकत नसल्याची कमेंट केली. यावर सहमती दर्शवत आनंद काळे म्हणाले, "मला आतापर्यंत वाटायचं की दिवसातले २-४ तास भेटून होणारं अफेअर आणि लग्नानंतरचे २४ तास एकत्र राहणं यात फरक आहे. पण, लिव्ह-इनमध्ये ६ वर्षे राहिल्यानंतरही असं कसं होऊ शकतं?"
📌 महत्वाच्या बातम्या
- राजगडावर गिर्यारोहकाचा मृत्यू; मालकाच्या मृतदेहासोबत गडावरून उतरत पाळीव कुत्र्याने निभावली स्वामीनिष्ठा
- नाना पाटेकर फटकळ स्वभावाचे होते, त्याचा अनुभव मलाही आला…; शोकसभेत वर्षा उसगांवकर भावूक
- आयपीएलमध्ये मोठा ट्रेड: १०.७५ कोटींचा नटराजन पुन्हा हैदराबादमध्ये, दिल्ली कॅपिटल्सने कोणाला घेतले?
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
