प्रतिनिधी, 12 ऑक्टोबर: बॉलिवूडचे महानायक अमिताभ बच्चन यांना त्यांच्या ‘पर्सनिलिटी राइट्स’ (व्यक्तिमत्त्व हक्क) खटल्याप्रकरणी दिल्ली उच्च न्यायालयाने वैयक्तिकरित्या हजर राहण्याचे निर्देश दिले आहेत. या प्रकरणावर ९ ऑक्टोबर रोजी दिल्ली उच्च न्यायालयात सुनावणी पार पडली. सुनावणीदरम्यान काही प्रतिवादींसोबत तडजोड झाल्याची माहिती न्यायालयाला देण्यात आली. मात्र, अभिनेत्याच्या बाजूने आलेल्या काही लॉजिस्टिक अडचणींमुळे या तडजोडीवर अद्याप औपचारिक स्वाक्षऱ्या होऊन तिला अंतिम स्वरूप मिळणे बाकी आहे.
बार अँड बेंचच्या अहवालानुसार, न्यायमूर्ती पुरुषेंद्र कुमार कौरव यांनी शुक्रवारी बच्चन यांना व्यक्तिशः हजर राहण्याचे निर्देश दिले. कोर्टाने स्पष्ट केले की, “जर तडजोड झाली नाही किंवा झालेली तडजोड अपूर्ण राहिली आणि वादीला कोणत्याही दाव्यावर किंवा मुद्द्यावर खटला पुढे चालवायचा असेल, तर पुढील सुनावणीला त्याची वैयक्तिक उपस्थिती आवश्यक असेल.” न्यायालयाने अमिताभ बच्चन (Amitabh Bachchan) यांना काही प्रतिवादींसोबत झालेल्या तडजोडीची औपचारिकता पूर्ण करण्यासाठी १६ नोव्हेंबर २०२६ पर्यंतची मुदत दिली आहे.
अमिताभ बच्चन यांनी २०२२ मध्ये त्यांच्या नाव, आवाज, चेहरा आणि व्यक्तिमत्त्वाद्वारे मिळणाऱ्या ओळखीच्या अनधिकृत व्यावसायिक वापराविरोधात ही याचिका दाखल केली होती. बनावट केबीसी लॉटरी घोटाळे, व्हॉट्सॲप संदेश आणि मोबाईल ॲप्समध्ये त्यांच्या ओळखीचा गैरवापर होत असल्याचा आरोप करत त्यांनी कायमस्वरूपी मनाई हुकूमाची मागणी केली होती.
या याचिकेवर नोव्हेंबर २०२२ मध्ये न्यायालयाने बच्चन यांच्या बाजूने अंतरिम आदेश दिला होता. कोणत्याही व्यक्तीला त्यांच्या परवानगीशिवाय व्यावसायिक कारणांसाठी त्यांचे नाव, आवाज किंवा फोटो वापरता येणार नाही, असे स्पष्ट करत न्यायालयाने संबंधित वेबसाइट्स आणि लिंक हटवण्याचे तसेच संदेश पसरवणारे फोन नंबर ब्लॉक करण्याचे निर्देश दूरसंचार कंपन्या आणि सरकारी विभागांना दिले होते.
📌 महत्वाच्या बातम्या
- MPSC अध्यक्ष भीमनवारांच्या राजीनाम्याची मागणी सरकारने फेटाळली; शिवेंद्रराजे भोसलेंची माहिती
- राज्यात दसऱ्यानंतर परतीचा पाऊस; पंजाबराव डख यांनी जाहीर केली जिल्ह्यांची यादी
- तुकाराम मुंढे MPSC समितीचे सचिव; विद्यार्थ्यांच्या आंदोलनात शिवेंद्रराजेंची मोठी घोषणा
Quick Answers
दिल्ली उच्च न्यायालयाने अमिताभ बच्चन यांना त्यांच्या 'पर्सनिलिटी राइट्स' (व्यक्तिमत्त्व हक्क) खटल्याप्रकरणी वैयक्तिकरित्या न्यायालयात हजर राहण्याचे निर्देश दिले आहेत.
न्यायालयाने काही प्रतिवादींसोबत झालेल्या तडजोडीची औपचारिकता पूर्ण करण्यासाठी अमिताभ बच्चन यांना १६ नोव्हेंबर २०२६ पर्यंतची मुदत दिली आहे.
अमिताभ बच्चन यांनी त्यांच्या नाव, आवाज, चेहरा आणि व्यक्तिमत्त्वाद्वारे मिळणाऱ्या ओळखीच्या अनधिकृत व्यावसायिक वापराविरोधात ही याचिका दाखल केली होती. बनावट केबीसी लॉटरी घोटाळे, व्हॉट्सॲप संदेश आणि मोबाईल ॲप्समध्ये ओळखीचा गैरवापर होत असल्याचा आरोप त्यांनी केला होता.
न्यायालयाने स्पष्ट केले होते की कोणत्याही व्यक्तीला अमिताभ बच्चन यांच्या परवानगीशिवाय व्यावसायिक कारणांसाठी त्यांचे नाव, आवाज किंवा फोटो वापरता येणार नाही. तसेच संबंधित वेबसाइट्स व लिंक हटवण्याचे आणि फोन नंबर ब्लॉक करण्याचे निर्देश दूरसंचार कंपन्या व सरकारी विभागांना दिले होते.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
