बे ओव्हल, 13 नोव्हेंबर: भारत आणि न्यूझीलंड यांच्यात बे ओव्हल येथे झालेल्या चौथ्या एकदिवसीय सामन्यात टीम इंडियाचा २४४ धावांनी दारुण पराभव झाला. ३३३ धावांच्या आव्हानाचा पाठलाग करताना भारतीय संघ अवघ्या ८९ धावांवर ढेपाळला. या लाजीरवाण्या कामगिरीनंतर मुख्य प्रशिक्षक गौतम गंभीर यांनी खेळाडूंना चांगलेच सुनावले असून, आंतरराष्ट्रीय क्रिकेटमध्ये खेळता न येण्याजोगा कोणताही चेंडू नसतो, अशा शब्दांत त्यांनी फलंदाजांच्या अपयशावर संताप व्यक्त केला आहे.
न्यूझीलंडने दिलेल्या ३३४ धावांच्या लक्ष्याचा पाठलाग करताना भारताची सुरुवात अत्यंत खराब झाली. धावफलकावर एकही धाव नसताना पहिल्याच षटकात संघाने तीन विकेट गमावले. रोहित शर्मा, विराट कोहली आणि श्रेयस अय्यर हे दिग्गज फलंदाज भोपळाही न फोडता बाद झाले, तर केएल राहुललाही अपयश आले.
सामन्यानंतरच्या पत्रकार परिषदेत गंभीर यांनी न्यूझीलंडचा गोलंदाज मॅट हेनरीच्या अचूक गोलंदाजीचे कौतुक केले. कोहली ज्या चेंडूवर बाद झाला, तो टप्पा पडून आत आल्याने त्याला काहीच करता आले नाही. यावर बोलताना गंभीर म्हणाले, “मॅट हेनरीने योग्य ठिकाणी गोलंदाजी केली, मात्र आपल्याला त्याचा सामना करता यायला हवा होता. आंतरराष्ट्रीय स्तरावर असा एकही चेंडू नसतो जो खेळता येत नाही. जेव्हा संघ ९० धावांच्या आत बाद होतो, तेव्हा ही अत्यंत चिंतेची बाब ठरते.”
विश्वचषक जवळ आलेला असताना फलंदाजांची अशी स्थिती असणे आणि यापूर्वीच्या तिसऱ्या वनडेतही ७ विकेट गमावणे हा चिंतेचा विषय असल्याचे गौतम गंभीरने स्पष्ट केले. फलंदाजीबरोबरच खराब क्षेत्ररक्षणही भारताच्या पराभवास कारणीभूत ठरले. न्यूझीलंडकडून विल यंगने १२५ धावांची शतकी खेळी केली. मात्र, तो ५ धावांवर असताना रोहित शर्माने आणि त्यानंतर ईशान किशननेही त्याचा झेल सोडला. यावर गंभीर म्हणाले, “गोलंदाज आकिब नबी कमनशिबी ठरला. विल यंगची विकेट मिळाली असती तर स्थिती वेगळी असती. झेल सोडल्याचा फटका संघाला बसला.”
📌 महत्वाच्या बातम्या
- छठपूजेवरून महाराष्ट्रात संघर्ष घडवण्याचा भाजपचा प्रयत्न; राज ठाकरेंचा गंभीर आरोप
- भाजपला लवकरच सत्तेतून पायउतार व्हावं लागणार; राज ठाकरेंचा मोठा दावा
- सुनील तटकरेंच्या बालेकिल्ल्यात राष्ट्रवादीला मोठा धक्का; दर्शन विचारे शिंदे गटात प्रवेश करणार
